Nsaŋ 20:15 - BII BILA

¹⁵ Mí Yeesu ɲuna ndu aa: «Vuɛɛndo, le yɛɛ nɛ n co yɛ caŋndo? Nɛ̀ɛ́-nɛ̀ n co yɛ nuwviaa?» Mari ca ko bɛɛ aa vana baala nakɔɔ ni, mó dimul ndu aa: «Fallo, te nɔm faŋa dialun Yeesu-on ni, mɛɛ dimul-la nɛɛ n kɔ kɛsi mun-nda, mì kɔ cua.»

Nsaŋ 20:15 Referans Kwoze

Nsaŋ 20:13

Mí mɛlɛkaa kan a ɲuna ndu aa: «Vuɛɛndo, le yɛɛ nɛ n co yɛ caŋndo?» Mó mulul nda aa: «A cii Maalii ni vi-o cua, i sínà nɛɛ nda kɛsi ndu le.»

Nsaŋ 18:7

Mó ɲuna nda vɛlɛ aa: «Nɛ̀ɛ́-nɛ̀ niaa co yɛ nuwviaa?» Má mulul ndu aa: «Yeesu Nasarɛt.»

Nsaŋ 1:38

Yeesu mulinndo, mó cannun nda hunɔɔ ndu kɔɔli, mó dimul nda aa: «Yɛɛ niaa co yɛ nuwviaa?» Má dimul ndu aa: «Kɔɔfa naa n co nuwviaa ni, kuɛɛ nɛ n co yɛ o yiya?»

Marke 16:6

Mó dimul nda aa: «Siòòŋii bii niaa le, Yeesu Nasarɛt niaa co nuwviaa ni, o ndáà baŋ o yɔm singafilaa coo-o. O tendu fulaa vanvílɛ́iya tɛɛn, o co nanu le, la tofa vɔ fonda ndáà yambu ndu-o.

Matie 28:5

Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni.

Condii kɛndɛ-kɛndɛi 3:2

Lelan, i cannin mì kela nuwviaa o kobio nin, mì kela o lɔ́ɔ́lan nin a o nɛilan coo, i nuwviaanin vanapɔnɔ kɔl nuu kaola-o. I co ndu nuwviaa taw, kɛ i co ndu saalɔn te.

1Samiɛl 1:16

Ca ya maa vanalanɔ malnan te, kɔl nuu co o sangaa nin a o mɔnɛi bɛnduei nin ni. Lelan ya viow o piɛilen nin ni.»

Nsaŋ 18:4

Yeesu ndóò sina nin dɛnnda va ndu hunɔɔ yɔŋnɔn ndan kpow. Lelan, mó sɔɔnguu, mó ɲuna nda aa: «Nɛ̀ɛ́-nɛ̀ niaa co yɛ nuwviaa?»

Luke 24:5

Mí siòònde bii nda, má tundu hɔlla lɛŋ. Mí vanaa kan ɲuna nda aa: «Le yɛɛ nɛ niaa co yɛ vana co yoomuo nuwviaa vanvílɛ́iya tɛɛn?

Matie 12:34

Niaa cuavaa hɔ̀ɔ̀lɔ́a ha, vɛ̀ɛ̀ niaa tiw yɛnin ba sɔɔn kɛndɔn dimio, te niaa pila co pɛ a vɔɔn-vɔɔn? Kani ɲɛ pia o kɔllo nin-ndo, ndu sondoo dimi ni.

Condii kɛndɛ-kɛndɛi 6:1

«Éé nɔm vanalanɔ hiow vanlaandua naŋɔɔ-o, kuɛɛ vanapɔnɔ n kaola hoo-o kɔɛ yɛ? A kpengii kuɛɛ o bii yɛ nɛiyo? N co nɔm ndu mala nuwviaa.

Luke 2:44

A va yiyanndo maa o va vanaa nda va kɔlan-nda tɛɛn, má kɔa kɔla paale pilɛ. O kon kɔɔli, má kandu ndu nuwviaa puapilɛa ndaa a caaŋaa ndaa tɛɛn.