Nsaŋ 20:13 - BII BILA

¹³ Mí mɛlɛkaa kan a ɲuna ndu aa: «Vuɛɛndo, le yɛɛ nɛ n co yɛ caŋndo?» Mó mulul nda aa: «A cii Maalii ni vi-o cua, i sínà nɛɛ nda kɛsi ndu le.»

Nsaŋ 20:13 Referans Kwoze

Nsaŋ 20:15

Mí Yeesu ɲuna ndu aa: «Vuɛɛndo, le yɛɛ nɛ n co yɛ caŋndo? Nɛ̀ɛ́-nɛ̀ n co yɛ nuwviaa?» Mari ca ko bɛɛ aa vana baala nakɔɔ ni, mó dimul ndu aa: «Fallo, te nɔm faŋa dialun Yeesu-on ni, mɛɛ dimul-la nɛɛ n kɔ kɛsi mun-nda, mì kɔ cua.»

Nsaŋ 2:4

Mí Yeesu ɲuna ndu aa: «Vuɛɛndo, mi vɛ̀ɛ̀ ya yɔŋ yɛ? Telen nuu tiiya vɔ le.»

1Samiɛl 1:8

Mí Ɛlkana pɔnɔ ndɔ ɲuna ndu aa: «Anɛɛ, le yɛɛ nɛ n co yɛ caŋndo? Vɛ má va kɛɔ le ɲɛdiaa dioo? Le yɛɛ nɛ n co yɛ a mɔnɛi? Vɛ̀ɛ̀ i co fisa a poaa tɔ́ le nɔm te?»

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Nsaŋ 20:2

Mó ɲaanun, mó kɔ komal Simɔn Piɛr a kaandennɔɔ pilɔɔ, o Yeesu ndóò kaola taw-vo, mó dimul nda aa: «A cii Maalii soli o sɛiyo nin, n sínà nɛɛ nda kɛsi ndu le.»

Nsaŋ 19:26

Yeesu cɔu kala ndɔ, mó ca kaandennɔ ndóò kaola-o isisi ndu ikɛi, mó dimul kala ndɔ aa: «Vuɛɛndo, má cè po nɔmndo.»

Luke 24:17

Mí Yeesu ɲuna nda aa: «O sɔɛi yɛɛ coo niaa co yɛ kɔlan a suukanndo ho?» Má sim, mí mɔnɛi bii nda.

Vana Kɔlkaloo 3:4

Telenndo co le caŋndo, telenndo co le mamɔɔ, telenndo co le cɛɛŋɔnndo, telenndo co le yolan.

Yeremi 31:16

Kɛ ɲɛ Mɛlɛka dimul ndu-o co hoo ni aa: «Mei caŋndo mà vɔɔsuu mɛmɛan, kani i kenin nɔm sala sanga nɔmndo, cuavaa nɔmnda fulanin o lɛŋii yaamɔaa ndaa nin mà muungu.» Sɔɛi fula Mɛlɛka o sondo-e co ken ni.