Nsaŋ 2:4 - BII BILA

⁴ Mí Yeesu ɲuna ndu aa: «Vuɛɛndo, mi vɛ̀ɛ̀ ya yɔŋ yɛ? Telen nuu tiiya vɔ le.»

Nsaŋ 2:4 Referans Kwoze

Nsaŋ 7:6

Mí Yeesu dimul nda aa: «Le ya, telen tiiya vɔ le, kɛ le niaa niaa, telenndan kpow la naŋ.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 8:20

Telen Yeesu va vannda pɛɛkoo o Cɛi-Hala-o nin-ndo o dimi sɔɔn mun ni, nɛɛ nda vow bolofaa-a. Vana-vana bii ndu le, kani telen ndɔɔ ndóò tiiya vɔ le.

Nsaŋ 7:30

A va nɛilan nuwviaa le ndu biyɔɔ, kɛ vana-vana ve ndu ba holɔɔ le, kani telen ndɔɔ ndóò tiiya vɔ le.

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Vana Kɔlkaloo 3:1

«Telenndo co le dɛnndan kpow, telenndo co le ɲɛ-ɲɛ co tosanndo o ceendo coo.

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

2Samiɛl 19:22

O kon mí Abisai, po Seruya-o soaa, mó ɲuna masaa aa: «Vɛ̀ɛ̀ le hee Simei yeow hoo masa Mɛlɛka pɔla-o-o kɛɛnin piɔ́mndo sɔla ni?»

2Samiɛl 16:10

Kɛ mí masaa mulul ndu aa: «Niaa poaa Seruya-a, le yɛɛ nɛ niaa co yɛ sondoo vowvo o sɔɛi he nin? Te o yeow ya pɛ, mɛɛ Mɛlɛka vem ndu ni aa o yeow ya David. Te lende yɛ ni, nɛ̀ɛ́ nɔla yɛnin mò ɲuna ndu aa ‹Le yɛɛ n co hee tosaa?›»

Nsaŋ 20:15

Mí Yeesu ɲuna ndu aa: «Vuɛɛndo, le yɛɛ nɛ n co yɛ caŋndo? Nɛ̀ɛ́-nɛ̀ n co yɛ nuwviaa?» Mari ca ko bɛɛ aa vana baala nakɔɔ ni, mó dimul ndu aa: «Fallo, te nɔm faŋa dialun Yeesu-on ni, mɛɛ dimul-la nɛɛ n kɔ kɛsi mun-nda, mì kɔ cua.»

Nsaŋ 20:13

Mí mɛlɛkaa kan a ɲuna ndu aa: «Vuɛɛndo, le yɛɛ nɛ n co yɛ caŋndo?» Mó mulul nda aa: «A cii Maalii ni vi-o cua, i sínà nɛɛ nda kɛsi ndu le.»

Luke 2:49

Mó mulul nda aa: «Le yɛɛ niaa co yɛ ya nuwviaa? La sina le maa mɛɛ mì va o Fuɲa nuu lo cɛinin?»

Matie 15:28

O kon mí Yeesu mulul ndu aa: «Cuaa, laalan nɔmndo co o bɔɔ. Màá i tosalan nɔm mɛɛ n yeema yɛ!» Mí cua ndɔɔ siangu dɔ́ɔ́ telen kon kpafii.

Tɔŋ miingua 33:9

Nda dimi ni aa a ci kala nda a fuɲa nda le. Nda sina puapilɛ le, a sina po vialaa le. Kani a bii sɔɛi nɔmnde, má manda kpema nɔmndo.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

Nsaŋ 2:3

Mɔiyan maa cuvɔɔ, mí kalaa Yeesu dimul ndu Yeesu aa: «Mɔiyan ma cuu nda o ba!»

Nsaŋ 7:8

Niaa, la hel mì la kɔɛ o kafoo. Ya i hel lɔnin o kafo kon te, kani telen tiiya vɔ le ya le.»