Nsaŋ 2:19 - BII BILA

¹⁹ Mí Yeesu mulul nda aa: «La tɛɛmbuu vɔ Cɛi-Hala-o ho, i minginin ndu simi o palɛi yaa bɛngu.»

Nsaŋ 2:19 Referans Kwoze

Marke 14:58

«Langbanɔɔ ho dimi ni maa o co Cɛi-Hala vanndacieea tangul hoo-o tɛɛmbuu, mò mingi o vanaciee tengulnin te-o simi o palɛi ndii yáá bɛngu.»

Marke 15:29

Mí vanaa va hiovɔɔ-a va ndu yeowlan a bolle hiiloo, má va dimio aa: «Nɔm dimi ni aa a co Cɛi-Hala-o tɛɛmbuu, mà mingi ndu tangul o palɛi ndii yáá bɛngu,

Matie 27:40

Má va ndu dimullo aa: «Nɔm dimi ni aa a co Cɛi-Hala-o tɛɛmbuu mà mingi o celen tangul o palɛi ndii yáá bɛngu. Mɛɛ nɔm pila ciindian ndɔ niko. Te Po Hala-o n co ni, mɛɛ tol-lɔ hau o yɔm singafilaa coo.»

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Dɛnnda kiilaa 3:15

Mí la tosa, má dii vana nɔ yoomoo o ba-o, kɛ mí Hala mingi ndu yoomu fulaa vanvílɛ́iya tɛɛn. Naa n co seiya ni.

Dɛnnda kiilaa 2:32

Nduyɛ, mí Hala mingi Yeesu ya co hoo sɔɛi ndɔɛi dimio-o yoomu, naa kpow n co lesei.

Dɛnnda kiilaa 2:24

Kɛ mí Hala mingi ndu yoomu, mó soli ndu piɔ́mndo o ba, kani ndóò bɛnda mì ndóò lo o kpaaya piɔ́m kon bɛngu le.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Rɔmnda 6:4

Le yinɔɔ naa n sɔla o piɔ́m ndɔɔ nin-ndo, mí n sɔla kumbɔɔ a ndu latulu, haliko mɛɛ Krista tendul mó fula vanvílɛ́iya tɛɛn a biilu Fuɲa ndɔ-o yɛ, mì naa bɛɛ n kela kela sɛnɛi.

Nsaŋ 11:25

Mí Yeesu dimul ndu aa: «Ya co tendul vanvílɛ́iya a yoomoo ni. Vana laalan ya pɛ, o vanin yoomu, hali o vu bɛɛ.

Marke 8:31

O kon kɔɔli, mí Yeesu kandu kaandeŋaa ndɔa dimullo maa fɔ mì Po vanacieo sanga taw, mì vanaa bɛndua lelɛŋnda kɛɛ ndu, mì bolii vanaa-solia-lasálàá a vanaa pɛɛkaa latɔŋnda kɛɛ ndu, mà dii ndu. Palɛi yaa o kon kɔɔli, mò tendu fulaa vanvílɛ́iya tɛɛn.

Kolɔsea 2:12

Nduyɛ, telen niaa sɔla yinɔɔ-o, mí la sɔla kumbɔɔ o sɛiyo nin a ndu latulu, mí la tendul vɛlɛ a ndu latulu, le tùú niaa laalan kpaaya Hala mingi ndu yoomu fulaa vanvílɛ́iya tɛɛn-ndo.

1Korɛntea 15:12

Nduyɛ, te n dimul niaa pɛ maa Krista tendul fulaa vanvílɛ́iya tɛɛn, le yɛɛ nɛ vanaa pum niaa tɛɛn a co yɛ dimio maa vanvílɛ́iya a muungunin yoomu le?

Rɔmnda 4:24

o sɛvan vɛlɛ le naa, naa Hala canin vanaa sandaa le laalan naa n laalan ndu vana tindi Maalii naa Yeesu fulaa vanvílɛ́iya tɛɛn-ndo-o.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Matie 27:63

má dimul ndu aa: «Vana bɛndoo, n loonun maa telen langbanɔ poopoo ho va vɔ yoomu-o, mó dimi aa: ‹Te i vi pɛ, palɛi yaa o kon kɔɔli, i tendulnin.›

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Dɛnnda kiilaa 6:14

N tuei ndu dimio maa Yeesu fula Nasarɛt-o tɛɛmbuunin Cɛi-Hala-o ho, mò mangala vɛlɛ naamula Moise tɛɛngul naa lan.»