Nsaŋ 2:11 - BII BILA

¹¹ Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Nsaŋ 2:11 Referans Kwoze

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 6:2

Mí sɛ́lɛ́ bɛndoo del ndu kɔɔli le singi kaamaa o va vanaa lanàá-o.

Nsaŋ 6:30

Má ɲuna ndu aa: «Ɔ́ɔ̀ dɛnɛ kaamaa n co tosa haliko mi n ce mi n laalan nɔm-ndo? Ɔ́ɔ̀ dɛnɛ n co tosa-o!

Nsaŋ 6:26

Mí Yeesu mulul nda aa: «I co niaa toɲaa dimul kpendekele, o co le kaamaala niaa ce lan te niaa co ya nuwviaa le, kɛ le bulu niaa de mí la pum-ndo.

Nsaŋ 6:14

Vanaa kan cɔu dɛnɛ kaamaa Yeesu tosa kon-ndo, má dimi aa: «Vana-tɛɛngaa-diom Hala bɛnda le hunɔɔ o ceendo coo-o kpeekpei co hoo ni.»

Esai 40:5

O kon, biilu Mɛlɛka-o fulanin ceen, o telen pilɛ kon, vanndacieea kpow canin ndu. Kani Mɛlɛka o sondo sɔɛi he fula ni.

2Korɛntea 4:17

Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.

Nsaŋ 14:13

Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin.

Nsaŋ 12:41

Ken Esai dimi telen o ce biilu Yeesu-o ni, mó soaa a ndu o kɔɔ.

Nsaŋ 12:37

A kaamaala kaakuula o tosa lan nda o hɔl-tan kpede, ndáà laalan ndu le,

Nsaŋ 2:23

Telen Yeesu va Yerusalɛm o kafo-hiavaa-coo-o, mí vanaa bɔɔ-bɔɔ laalan o diola ndɔlan, lɔ́ɔ́ nda ce dɛnnda kaamaala o va tosaa lan-ndo pɛɛn.

Nsaŋ 1:50

Mí Yeesu mulul ndu aa: «Le tùú ya dimul nɔm maa i ce nɔm o voosu tumndo bɛngu-o n laalan ni. A canin bɛɛ dɛnnda bɛndula hiow kon-ndan.»

Condii lisai 96:3

La cɔm bɔɔbɔɔyɛi ndɔɛi vannda kpow tɛɛn, mì la cɔm dɛnnda kɛndɛla ndɔlan o lɛŋnden kpow coo.

1Nsaŋ 5:13

I sɛval niaa ndi, haliko mi la sina maa la nɔ yoomu fɛɛn-fɛɛndo, niaa laalan o diola Po Hala-o lan-nda.

Nsaŋ 4:46

O kon mí Yeesu muungu Kana o tàndá Kalile-o nin, nɛɛ ndóò mangala mɛnndan mɔiyan-nda. Simlacinɔ bɛndoo pum va Kapɛrnaum, po ndɔɔ va a nàá.

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Vana Kɔlkaloo 9:7

Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Condii lisai 72:19

Biiloo co le diola ndɔla biilaalan le fɛɛn a fɛɛn! Màá lɛŋnden kpow le piɔ a biilu ndɔɔ! Amiina! Amiina!

Tɔŋ miingua 5:24

mí la dimi aa: ‹A toɲa, Mɛlɛka Hala naa cɔm naa biilu ndɔɔ a bɔɔbɔɔyɛi ndɔɛi, n tuei diom ndɔɔ fulaa vakpa o yinnden nin. N sína hau lekɛ́ndɛi maa Hala nɔla mò soo o vanacieo lo kpendekele, mì vanaciee kon lo yoomu.

Fulaa 4:9

Kɛ taa cii pɛ kaamaala tiɔnnda lan tosa mà kɛɛ le sɔɛi nɔmnde laalanndo, a kɔndu mɛmma pee bɛndoo Nil, a cuiŋi man o kɔngɔ. O kon, mɛmma n kɔandunin man o peo Nil nin-ndan ma mangalannin koovan o kɔngɔ.»

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Nsaŋ 11:15

I naŋ kɔl le niaa, le tùú ya kɛɛ va o hɔl-ndɔ-o, haliko mi la laalan. Kɛ n kɔnnun nɛɛ o co-a.»

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Fulaa 14:31

Mí Israɛlla ca ɲinkon ba kpaaya bɛndu Mɛlɛka timbi mó tɛɛmbuu Esiptea-o, má yɔŋ siòòŋii ndɔɛi, má laalan ndu Mɛlɛka, má laalan vɛlɛ Moise, vana baala Mɛlɛka-o pɛɛn.

1Masaa 17:24

Mí cua kon dimul Elii aa: «I laalan nihau lekɛ́ndɛi maa vana-tɛɛngaa-diom Hala-o n co ni, toɲaa kpeekpei sɔɛi Mɛlɛka-i co nɔm fulaa o sondo-e co ni.»

Nsaŋ 1:43

Diimandɔɔ, mí Yeesu kialu le kɔlan Kalile, mó komal Filipe. Mí Yeesu dimul ndu aa: «Del-la kɔɔli.»

Nsaŋ 2:1

Palɛi yaa o kon kɔɔli, mí kafo lanɔ sɛnɛiyo tosan Kana o tàndá Kalile-o nin. Kalaa Yeesu va lon.

Nsaŋ 4:3

mó faŋan Yuda mó muungu Kalile.

Nsaŋ 4:54

Ndu yɔŋnun dɛnɛ kɔndɔfili diinndɔ Yeesu tósa telen o mal Yuda, mó hun Kalile-o kɔɔli ni.

Nsaŋ 7:31

Mí vanaa bɔɔ-bɔɔ o sɛ́lɔ́ɔ́ tɛɛn a laalan ndu, ma va ɲunanndo aa: «Hunɔɔ Krista co-o, o tosanin pá dɛnnda kaamaalan mò hiow langbanɔɔ ho?»

Nsaŋ 9:16

Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»

Nsaŋ 10:41

Vanaa bɔɔ-bɔɔ a va hunɔɔ o ndu lo, má va dimio aa: «Nsaŋ tosa dɛnɛ kɔndɔfili kɛ́-kɛ̀ le, kɛ ɲɛ-ɲɛ o va dimio a langbanɔɔ ho o kɔɔ, toɲaa o co ni.»

Nsaŋ 11:47

O kon mí bolii vanaa-solia-lasálàá a Faliisia mɔɔsiaa vanaa kialaa n'yamaa lelɛŋnda, má dimul nda aa: «Vɛɛ naa n co yɛ tosa? Kani langbanɔɔ ho co bɔɔ dɛnnda kaamaalan tosaa.

Nsaŋ 12:18

Lelan vannda taw ndáà fula le ndu kɔlan bɔŋaa ni, le tueyɔɔ ndáà tuei a dɛnɛ kɔndɔfili ndóò tosa kon-ndo o kɔɔ-o.

Nsaŋ 16:27

kani Pua pila kaola niaa le kaola niaa kaola ya, mí la laalan maa o Pua lo ya fula ni-o.

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»