Nsaŋ 19:7 - BII BILA

⁷ Mí Yuifia muli aa: «N nɔ tɔŋndo, o tɔŋ naa kon nin, o bɛnda mò sɔla piɔ́mndo, le siingɔn o siingun ndu pila Po Hala-o-o.»

Nsaŋ 19:7 Referans Kwoze

Tɔŋ lasálàá 24:16

Vana-vana soo pɛ diomnde vɔɔnnden a diola Mɛlɛka lan, vana kon bɛnda mò sɔla piɔ́mndo kangalan. Israɛlla kpow a lonin ndu viiyo a powtan háá mo vi. Vana kon va bɛɛ mial hin calle Israɛlla o bɛngu coo-o, o va vɛlɛ bɛɛ Israɛlnɔ pilacieo, o bɛnda mò sɔla piɔ́mndo le diomnde vɔɔnnde o soo a Hala len.

Nsaŋ 5:18

Le diom o dimi kon-ndo, mí Yuifia can nɛilan nuwviaa le ndu diyɔɔ, o co vɔ le tùú o va tɔŋ paale pɛngiaa tɛɛmbuuo-o le, kɛ le tùú o va dimio-o maa Hala co Fuɲa ndɔ kpeekpeiyo ni, mó va ndu pila siingɔnndo Hala-o.

Rɔmnda 1:4

Mó cɔmnun vanndacieea a kpaaya bɛndoo o Kɔl-Diandaa nin maa Po Hala-o o co ni, le tùú o tendul fulaa vanvílɛ́iya tɛɛn-ndo.

Marke 15:39

Bolle vanaa cɔvaa kɛmɛa va isisi Yeesu laci, ndóò cɔu mɛɛ Yeesu looku kɔllo malnɔn yɛ, mó dimi aa: «Po Hala-o lekɛ́ndɛi langbanɔɔ ho va ni.»

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Esai 53:4

Nduyɛ sangala naalan lekɛ́ndɛi ndóò cua ni, ɲɛla kindilaala naalan ndóò siilun ni. Naa yɛ, mí n ca ndu maa vana dɛnɛ palaa tol coo-o, maa Hala soŋ ndu ni mó tuisi ndu siɛmbulan.

Nsaŋ 19:8

Pilate tueyɔɔ lende, mí siòònde cɔɔlu ndu biyɔɔ,

Dɛnnda kiilaa 18:13

Má dimi aa: «Langbanɔɔ ho co vannda kɔltan mangalaa mà va Hala biiloo, kɛ o co mɛɛ tɔŋndo dimi yɛ le.»