Nsaŋ 19:6 - BII BILA

⁶ Kɛ bolii vanaa-solia-lasálàá a kpalilla cɔw ndu dɔ́ɔ́, má yonda aa: «Baŋ ndu o yɔm singafilaa coo! Baŋ ndu o yɔm singafilaa coo!» Mí Pilate dimul nda aa: «Niaa pila kɔ baŋ ndu o yɔm singafilaa coo. Kani ya ya, i ci tɛɛmbuu kɛ́-kɛ̀ vana yaala ndu le.»

Nsaŋ 19:6 Referans Kwoze

Nsaŋ 18:31

O kon mí Pilate dimul nda aa: «Mɛɛ niaa pila kɔ a ndu mì la kelu ndu iyama mɛɛ tɔŋ niaa co yɛ.» Mí Yuifia mulul ndu aa: «Di co naa o kennan mì n kelu iyama le vanaciee diyɔɔ le.»

Nsaŋ 19:4

Mí Pilate fula vɛlɛ o dio, mó dimul Yuifia aa: «La yaŋ ndɔ nilan, i co niaa ndu solul o bɛ́ɛ̀ haliko mi la sina maa i ci ɲɛ-ɲɛ vɔɔn o tosa le.»

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Nsaŋ 19:15

Kɛ má deŋi o lepilɔɔ aa: «Faŋa naa ndu o hɔl! Faŋa naa ndu o hɔl! Kɔ baŋ ndu o yɔm singafilaa coo.» Mí Pilate ɲuna nda aa: «Vɛ̀ɛ̀ mì baŋ masa niaa o yɔm singafilaa coo?» Mí bolii vanaa-solia-lasálàá muli aa: «Naa n nɔ masa celen o Sesar kɔɔli le.»

Luke 23:4

Mí Pilate dimul simlacia vanaa-solia-lasálàá a sɛ́lɛ́ va lon-ndo aa: «I ci isɔɔ oo isɔɔ langbanɔɔ ho tosa mì vana yaala ndu le.»

Matie 27:24

Mí Pilate ca maa ndóò nɔla lɛ ɲɛ-ɲɛ tosa le, kani vannda va hiovɔɔ laci a vɔngaa. Mó kɔandu mɛnndan, mó pulu balan nda kpow o hɔl, mó dimi aa: «I nɔ laba o sɔɛi piɔ́m vana sandaa ho nin te. Niaa pila sɔɛi piɔ́m ndɔɔ co coo ni.»

Matie 27:22

Mó ɲuna nda aa: «Mí vɛ̀ɛ̀ ya yɔŋ yɛ a Yeesu nda veelu hoo aa Krista-o?» Mí nda kpow muli aa: «Baŋ ndu o yɔm singafilaa coo!»

Matie 26:58

Háá má tiiya a Yeesu o bolle vanaa-solia-lasálàá lo bɛɛ, Piɛr va ndu kɔlan kɔɔli lándán. Mó luɛi o bɛ́ɛ̀ lon, mó kɔ cal kpalilla tɛɛn le sinaa mɛɛ sɔɛi ken i va mɛɛlu yɛ.

Nsaŋ 18:3

O kon, mí Yuda sim vanaa cɔwva a kpalilaa cumulaa bolii vanaa-solia-lasálàá nda Faliisia vem ndua laci, má kɔa lon a tɛngɛlan, a fitinalan a á ɲɛm cɔwvon o laba.

Nsaŋ 18:38

Mí Pilate ɲuna ndu aa: «Yɛɛ co yɛ toɲaa?» Pilate ciiyo dimio lende, mó fula vɛlɛ o dio, mó komal Yuifia hin a Yeesu-a, mó dimul nda aa: «Ya i ci tɛɛmbuu oo tɛɛmbuu vana yaala langbanɔɔ ho le.