Nsaŋ 19:4 - BII BILA

⁴ Mí Pilate fula vɛlɛ o dio, mó dimul Yuifia aa: «La yaŋ ndɔ nilan, i co niaa ndu solul o bɛ́ɛ̀ haliko mi la sina maa i ci ɲɛ-ɲɛ vɔɔn o tosa le.»

Nsaŋ 19:4 Referans Kwoze

Nsaŋ 19:6

Kɛ bolii vanaa-solia-lasálàá a kpalilla cɔw ndu dɔ́ɔ́, má yonda aa: «Baŋ ndu o yɔm singafilaa coo! Baŋ ndu o yɔm singafilaa coo!» Mí Pilate dimul nda aa: «Niaa pila kɔ baŋ ndu o yɔm singafilaa coo. Kani ya ya, i ci tɛɛmbuu kɛ́-kɛ̀ vana yaala ndu le.»

Nsaŋ 18:38

Mí Pilate ɲuna ndu aa: «Yɛɛ co yɛ toɲaa?» Pilate ciiyo dimio lende, mó fula vɛlɛ o dio, mó komal Yuifia hin a Yeesu-a, mó dimul nda aa: «Ya i ci tɛɛmbuu oo tɛɛmbuu vana yaala langbanɔɔ ho le.

Luke 23:4

Mí Pilate dimul simlacia vanaa-solia-lasálàá a sɛ́lɛ́ va lon-ndo aa: «I ci isɔɔ oo isɔɔ langbanɔɔ ho tosa mì vana yaala ndu le.»

Luke 23:47

Bolle vanaa cɔvaa kɛmɛa cɔw ɲɛ yɔŋnun-ndo, mó biilu Hala, mó dimi aa: «A toɲa, vana sandaa langbanɔɔ ho va ni.»

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

1Piɛr 2:22

Ndu tosa haki loo, ndu sɔɛi fula o sondo le vana hui loo,

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Luke 23:41

Naa naa, o co baalan te nda baalan naa le, kani sala dɛnnda naala vɔɔnndan naa n co sɔlaa ho ni. Kɛ hoo ndu, o tosa ɲɛ-ɲɛ vɔɔn te.»

Matie 27:54

Simlacinɔ vanaa cɔwva a vanaa va ndu ikɛi le Yeesu cumullo-a cɔu lɛŋnden ɲiiyaa, má ca vɛlɛ dɛnnda yɔŋnun-ndan kpow, mí siòònde bii nda taw. Má dimi aa: «Po Hala-o lekɛ́ndɛi o va ni.»

Matie 27:24

Mí Pilate ca maa ndóò nɔla lɛ ɲɛ-ɲɛ tosa le, kani vannda va hiovɔɔ laci a vɔngaa. Mó kɔandu mɛnndan, mó pulu balan nda kpow o hɔl, mó dimi aa: «I nɔ laba o sɔɛi piɔ́m vana sandaa ho nin te. Niaa pila sɔɛi piɔ́m ndɔɔ co coo ni.»

Matie 27:19

Pilate lo icali o fonda kialaa n'yamaa, mí laa ndɔ viam kiilaa le ndu dimullo aa: «Vow balan o sɔɛi langbanɔ tɛɛmbuu hoo isɔɔ loo nin te, kani i sanga cɛi-cɔl taw o lɔma sɔlaan nin le ndu.»

Matie 27:4

Mó dimul nda aa: «I tosa yɔŋ vɔɔndo le vana tɛɛmbuu isɔɔ loo malɔɔ vannda o ba le ndu diyɔɔ.» Kɛ má mulul ndu aa: «O co sɔɛi naa le co ken te! Nɔm sina ken ni!»

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Nsaŋ 18:33

Mí Pilate muungu o cɛi lemasaa nin, mó veelu Yeesu, mó ɲuna ndu aa: «Vɛ̀ɛ̀ nɔm co masa Yuifia ni?»