Nsaŋ 19:28 - BII BILA

²⁸ O kon kɔɔli, mɛɛ Yeesu sina maa o cii baala ndɔɔ kpow, mó dimi aa: «Kolɔɔ bii ya.» Haliko mi ɲɛ Sɛbɛ Hala-o dimi-o peelun.

Nsaŋ 19:28 Referans Kwoze

Condii lisai 69:21

Yeowla lan la co ya kɔllo bulio, i del a nàá le le ken. I co cumndo le ɲiiye sɔlaa tuinɔnndo, kɛ i co vana sɔla le. I co lehɔl o nɛi le vanaa ɲɔɔlaa sɔlaa, kɛ i co vana saalɔn te.

Condii lisai 22:15

I co saŋnɔnndo maa mamɛn, paalan la faŋan ya o boondon. Kɔllo siŋnun ya maa dukpa, o co ya tengaa nin.

Nsaŋ 19:30

Yeesu sɔsaa mɔima man, mó dimi aa: «Ɲɛ-ɲɛ cuu peelɔn!» O kon mó landu bollen, mó malnun kɔl.

Luke 22:37

Kani i co niaa toɲaa dimul, o co o sɛvaa o Sɛbɛ Hala-o nin aa: ‹A cɔm ndu vanaa tosaa yɔŋ vɔɔnda coo›. Mɛɛ mì sɔɛi ken i peelun a ya o kɔɔ. Kani ɲɛ sɛvan a ya o kɔɔ-o co nin le peelɔnndo.»

Nsaŋ 19:24

«N sɛɛsian ndu le, n malnun siondei, le sinaa vana nɔnin ndu-o.» Ken tosan, haliko mi o dimin o Sɛbɛ Hala-o nin-ndo ndóò peelun aa: «A co volɔɔla nilan piɔvanndo nda pila tɛɛn, a co siondei malɔɔ le doma ni lebɛngoo.» Lende vanaa cɔwva tosa ni.

Luke 18:31

Mí Yeesu kɔa a kaandeŋaa tɔ́ a à ŋiɔnda, mó dimul nda aa: «Má cè naa helɔɔ Yerusalɛm! Dɛnnda vanaa-tɛɛngaa-diom Hala-a sɛva a Po vanacieo o kɔɔ lan kpow la co hunɔɔ peelɔn.

Nsaŋ 18:4

Yeesu ndóò sina nin dɛnnda va ndu hunɔɔ yɔŋnɔn ndan kpow. Lelan, mó sɔɔnguu, mó ɲuna nda aa: «Nɛ̀ɛ́-nɛ̀ niaa co yɛ nuwviaa?»

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Dɛnnda kiilaa 13:29

Telen nda cii ɲɛ-ɲɛ Sɛbɛ-Hala-o dimi a ndu o kɔɔ-o dimio, má tuisi ndu o yɔm singafilaa coo, má kumbu ndu o sɛiyo nin.

Luke 9:31

Biilu Hala-o va nda o balaa sɔ́, ma va sɔɛi o Yeesu lo a mɛɛ ndóò sɔlanin piɔ́mndo Yerusalɛm yɛ.

Luke 12:50

Mɛɛ mì sɔla yinɔɔ, nduyɛ i co cumndo háá mì sɔɛi ken i keleŋa peelɔn!

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Nsaŋ 17:4

I biilu nɔm o lɛŋnden coo, mí i cii vali n ke ya le tosaa-o tosa.

Nsaŋ 19:36

Ken yɔŋnun, haliko mi sɔɛi co o Sɛbɛ Hala-o nin-nde peelun aa: «Paa ndɔɔ pilɛ bɛɛ yomnin te.»