Nsaŋ 18:33 - BII BILA

³³ Mí Pilate muungu o cɛi lemasaa nin, mó veelu Yeesu, mó ɲuna ndu aa: «Vɛ̀ɛ̀ nɔm co masa Yuifia ni?»

Nsaŋ 18:33 Referans Kwoze

Nsaŋ 19:12

Kandɔɔ o telen kon, mí Pilate va nɛilan nuwviaa le Yeesu malɔɔ, kɛ mí Yuifia yonda o lepilɔɔ aa: «Taa mal pɛ langbanɔɔ ho kɔnndan, mɛɛ a co caaŋoo Sesar le. Vana-vana cennun pɛ ndu pila masaa, mɛɛ yaamɔɔ Sesar ndu co ni.»

Nsaŋ 19:3

O kon kɔɔli, má va ndu kɔlan o hɔl a ndu dimullo aa: «Masa Yuifia isɛ!» Má va ndu kpaŋndon lɔɔ.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Nsaŋ 12:13

mí nda kpow a bii siɔ̀ɔ́la vawlan o laba, má kɔa ndu bɔŋaa a yoondiaalan aa: «Biiloo co le Hala! Biiloo co le vana co hunɔɔ o diola Mɛlɛka lan-ndo, masa Israɛlla pɛɛn!»

Marke 15:2

Mí Pilate ɲuna ndu aa: «Vɛ̀ɛ̀ nɔm co masa Yuifia ni?» Mí Yeesu mulul ndu aa: «Nɔm pila cii dimi.»

Matie 27:11

Má kɔa a Yeesu o Pilate, masa ibungaa lo, mó ɲuna ndu aa: «Vɛ̀ɛ̀ nɔm co masa Yuifia ni?» Mí Yeesu mulul ndu aa: «Nɔm pila cii dimi.»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

Nsaŋ 19:9

mó muungu o cɛi lemasaa nin, mó kɔ ɲuna Yeesu aa: «Kuɛɛ nɛ n fula yɛ?» Kɛ Yeesu mulul ndu le.

Nsaŋ 12:15

«Siòòŋii bii niaa le, niaa vannda Siɔn, la tofa vɔ masa niaa hunɔɔ, o co icali o sofɛlɛ téndóó coo.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Sofoni 3:15

Kani Mɛlɛka faŋa dɛnɛ palaa ndóò tuu le niaa tuisio coo-o, o tow yaamɔaa niaa polon. Mɛlɛka, o co masa Israɛlla-o co niaa tɛɛn. Lelan siòòŋii bii lɛnin niaa le dɛnɛ palaa le.

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Matie 27:27

Mí vanaa cɔvaa Pilate-a kɔa a Yeesu o cɛi lemasaa nin, mí nda kpow kɔ balu ndu.

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Nsaŋ 18:34

Mí Yeesu muli aa: «Mò va maa nɔm pila yiyan lende ni baa, vannda dimul nɔm lende a ya o kɔɔ ni?»

Nsaŋ 18:38

Mí Pilate ɲuna ndu aa: «Yɛɛ co yɛ toɲaa?» Pilate ciiyo dimio lende, mó fula vɛlɛ o dio, mó komal Yuifia hin a Yeesu-a, mó dimul nda aa: «Ya i ci tɛɛmbuu oo tɛɛmbuu vana yaala langbanɔɔ ho le.

Nsaŋ 19:4

Mí Pilate fula vɛlɛ o dio, mó dimul Yuifia aa: «La yaŋ ndɔ nilan, i co niaa ndu solul o bɛ́ɛ̀ haliko mi la sina maa i ci ɲɛ-ɲɛ vɔɔn o tosa le.»