Nsaŋ 18:32 - BII BILA

³² Ken yɔŋnun haliko mi sɔɛi Yeesu ndóò dimi a piɔ́m ndɔɔ o kɔɔ-e ndíì peelun.

Nsaŋ 18:32 Referans Kwoze

Nsaŋ 3:14

Mɛɛ Moise heelu kɛw idaɲaa o lɛŋnde veselɛilen nin yɛ, fɔ mì Po vanacieo sɔla heeloo lende,

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

Matie 20:19

A malnin ndu vɛlɛ vanaa-mangalaa-isɔɔa o ba le ndu mamɔɔ, mà soŋ ndu, mà baŋ ndu o yɔm singafilaa coo. Kɛ mò tendul o paale yàándɔlen.»

Nsaŋ 8:28

O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.

Marke 10:33

Mó dimul nda aa: «Má cè naa helɔɔ Yerusalɛ! À kɔ malnin Po vanacieo bolii vanaa-solia-lasálàá a vanaa pɛɛkaa latɔŋnda o ba. A kialunin yamɛi ndɔɛi, mà yaala ndu le piɔ́mndo sɔlaa, mà mal ndu vanaa sina Hala le-a o ba.

Tɔŋ miingua 21:23

vana vílɛ́i kon bɛnda mò lɔl o landaa o yɔmndo coo le. La bɛnda mì la kumbu ndu paale niaa landu ndu len. Kani vana nda landu o yɔmndo coo-o, danga fula Hala o ba-o o co ni. Nduyɛ, la bɛnda mì la nɔɔliaa lɛŋnde Mɛlɛka Hala niaa ke niaa kɛ́ɔ len te.»

Condii lisai 22:16

Yoomuma nian ma vesan maa bɔ́w, diɛɛmulen le vesa ya o sondo sɛ́ɛ́n, a handu ya o sɛiyo sondoo.

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

Dɛnnda kiilaa 7:59

Telen nda va ndu viiyo a powtan-ndo, mí Etiɛn piɛi Hala aa: «Maalii Yeesu, bii kɔl nuu.»

Nsaŋ 10:33

Mí Yuifia mulul ndu aa: «O co le dɛnɛ le naa n co nɔm viiyo a powtan te, kɛ le sɔɛi tanai n dimi-e, kani a cii siingɔn Hala, nɔm vanacieo!»

Nsaŋ 10:31

Mí Yuifia cɔwviaa vɛlɛ powtan le ndu viiyo.

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Nsaŋ 18:31

O kon mí Pilate dimul nda aa: «Mɛɛ niaa pila kɔ a ndu mì la kelu ndu iyama mɛɛ tɔŋ niaa co yɛ.» Mí Yuifia mulul ndu aa: «Di co naa o kennan mì n kelu iyama le vanaciee diyɔɔ le.»

Nsaŋ 21:19

A mɛɛ Piɛr ndóò sɔlanin piɔ́mndo, mò ke Hala biiloo yɛ o kɔɔ Yeesu va sɔɛi lende ni. Yeesu ciiyo sɔɛi o ndu lo, mó dimul ndu aa: «Del-la kɔɔli!»