Nsaŋ 18:20 - BII BILA

²⁰ Mí Yeesu mulul ndu aa: «Kpendekele ya va sɔɛi o vannda kpow lo ni. Lɔ́ɔ́-lɔ́ɔ̀, i va vannda pɛɛkoo o cɛila lekaanndan a o Cɛi-Hala-o nin nɛɛ Yuifia kpow bɔɔŋian-nda. I dímí ɲɛ-ɲɛ o vionnɔn nin te.

Nsaŋ 18:20 Referans Kwoze

Nsaŋ 7:26

Má cè ndu sɔɛi kpendekele! A co ndu ɲɛ-ɲɛ dimul te. Mò va maa sinaa simlacia sina lekɛ́ndɛi ni maa ndu co Krista ni?

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Esai 48:16

La sɔɔnguu ya ikɛi mì la yaŋ nilan! Kabi o kandɔɔ, i dimi ɲɛ-ɲɛ o vionnɔn nin te, kabi nɛɛ sɔɔn mun kandun-nda, i va lon. Sisa, Maalii Hala vem ya ni mó yɔngu ya kɔl ndɔɔ!

Luke 21:37

Ipala Yeesu ndóò pɛɛku vannda o Cɛi-Hala-o nin ni. Icɔl, o kɔɛ, o kɔ lɔl o pembii nda veelu aa Pembii n'oliviee-e coo.

Nsaŋ 7:4

Vana yeema pɛ mì vannda sina ndu, o tosa sɔɔn o vionnɔnndo nin te, te nuaa n co dɛnndan tosaa ni, mɛɛ cɔmnun vannda kpendekele.»

Luke 4:15

O va kaannden tosaa o cɛila lekaandan nin, mí vannda kpow a va ndu biiloo.

Matie 26:55

O kon kɔɔli, mí Yeesu dimul sɛ́lɔ́ɔ́ aa: «La vɛ hunɔɔ le ya biyɔɔ a mɔɔn cɔwvon a á yɔmii bingiei maa vui? Lepalaa-lepala, i va icali o Cɛi-Hala-o nin niaa tɛɛn le pɛɛkulan yɔngoo, la bii ya le.

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

Esai 45:19

I suu o vionnɔn nin te. I suu o kolokolo yifidii nin o lɛŋnden coo le. I dimul cuavaa-imamaa Yakɔb-a le ya nuwviaa o fondo fúúo coo le. Ya Mɛlɛka, ɲɛ co toɲaa-o ya dimi ni, ɲɛ co sakpo-o ya yonda ni.»

Nsaŋ 8:26

I nɔ sɔɔn taw le dimio a yaman bɔɔ-bɔɔ kiolɔɔ a niaa o kɔɔ. Kɛ vana toɲaa vana vem ya-o co ni, sɔɔn ya tuei ndu o sondo-on, mun ya co ceendo tiiyallo ni.»

Nsaŋ 8:2

Kɛ paalen siɔu dɔ́ɔ́, mó muungu o Cɛi-Hala-o nin, mí vannda kpow a hun o ndu lo. Mó cal le nda pɛɛkoo.

Nsaŋ 7:28

O kon, Yeesu va vannda pɛɛkoo o Cɛi-Hala-o nin, mó deŋi aa: «La sina ya, la sina nɛɛ ya fula-a. Nduyɛ i hin a ba ni le: vana niaa bɛnda le laalanndo-o vem ya ni, la sina ndu masinaa le tuŋ.

Nsaŋ 7:14

Ndáà tiiya nin tɛɛn a kafoo, mí Yeesu hel o Cɛi-Hala-o nin, mó va vannda pɛɛkoo.

Matie 26:65

O kon, mí bolle vanaa-solia-lasálàá sɛɛsian volɔɔlan lekɔɔ, mó dimi aa: «O dimi sɔɛi tana-i a Hala. Ɔ́ɔ̀ seyaa naa n co vɛlɛ ɲuna le hee-a? Kámáá niaa pila langa tuei mɛɛ o dimi sɔɛi tanɛi a Hala yɛ! Ɔ́ɔ̀ yiyan niaa?»

Dɛnnda kiilaa 26:26

Masa ya co sɔɔn mun dimullo-o sinà dɛnndan ndan, lelan i tiwba mì soo ndu o hɔl a tiindanndo. Nduyɛ, i laalan maa o kɛ́-kɛ̀ co ndu mial te, kani o co dɛnnda hiow o vionnɔn nin te.

Matie 24:26

A dimul niaa bɛɛ aa: ‹O co o lɛŋnde veselɛilen nin›, la kɔa le, te kon te aa: ‹O co cɛinin o nda›, la láálan te.

Condii lisai 40:9

Hala nuu, i yeema mì tosa hɛnan nɔmndo, mì mandan tɔŋ nɔmndo o kɔl kpíŋ.

Condii lisai 22:22

Soli ya yàlàá o lasondo, mà baŋa ya o leela cìíya ha tɛɛn! Se kɛ a cii ya nihau bɛɛ mulul!

Marke 8:32

Mó dimul nda ndi lende kpendekele. Mí Piɛr veelu ndu landɔ, mó kɔ va ndu kpaa le sɔɔn vaa lende dimio.

Nsaŋ 6:59

Pɛɛkula Yeesu yɔngu o cɛi lekaando nin Kapɛrnaum-ndan la co lan ni.

Nsaŋ 18:21

Le sabu yɛɛ nɛ n co yɛ nin ya ɲunaa ho? Ɲuna vanaa tuei diomnda ya dimi lan-nda. Nda sina ɲɛ ya dimi-o.»