Nsaŋ 18:1 - BII BILA

¹ Yeesu ciiyo sɔɛi lende, mó fula latulu nda kaandeŋaa ndɔa le kɔlan o bóllo Sedrɔn leeloo, nɛɛ nakɔɔ pum va-a. Má kɔ luɛi lenin nda ndaa.

Nsaŋ 18:1 Referans Kwoze

Marke 14:32

O kon kɔɔli, má kɔa o fondaa pum diolan Sɛtsemanee, mí Yeesu dimul kaandeŋaa ndɔa aa: «La cal nanu, mì kɔ piɛi Hala o nda.»

Matie 26:36

O kon kɔɔli, mí Yeesu kɔa a kaandeŋaa ndɔa o fondaa pum diolan Sɛtsemane, mó dimul nda aa: «La cal nanu, mì kɔɛ pɔɔ piɛilen o nda.»

2Samiɛl 15:23

Tuma sɛ́lɔ́ɔ́ va hiovɔɔ David laci-o, mí vannda kpow va caŋndo fúkpàà-fùkpàà. Mí masaa pila taŋ pee pɔmbɔɔ Sedrɔn, mó bii nɛi kɔɛ a kpengii lɛŋnde veselɛilen-ndo a vanaa va ndu kɔɔli-a kpow.

Nsaŋ 18:26

Mí buɛi bolle vanaa-solia-lasálàá pum, o Piɛr kelu vanayɛi ndɔɛi nilen-ndo ɲuna ndu aa: «O co nɔm te ya ce o nakɔɔ nin niaa ndaa le?»

Nsaŋ 14:31

Kɛ haliko mi ceendo sina maa i kaola Pua, maa mɛɛ Pua dimul-la yɛ ya co dɛnndan tosaa ni. La cɔn mì n faŋan nanu!»

Yeremi 31:40

Ból vanvílɛ́iya a ból lapullo kpede, keiyo a fondala helaalan kɔlan fulaa a bóllo Sedrɔn, kɔlan tiiyaa háá o sɔngilen o Dio-soa a ba paalen le can-ndo kpow vanin le Mɛlɛka ni. Ɲɛ-ɲɛ faŋan ndɛnin lecoo le, ɲɛ-ɲɛ sungun ndɛnin le fɛɛn a fɛɛn te.»

2Dɛnnda lemasalan 30:14

Má can, má faaŋiaa fondala-loamaa-lasálàla va Yerusalɛm-ndan a fondala-loamaa-lasálàla ndáà loam sálàla cuɛima cun kɛndɛan coo lan, má viaw lan o bóllo Sedrɔn nin.

2Dɛnnda lemasalan 15:16

Mí masaa Asa faŋa vɛlɛ Maaka mama ndɔ bolle vanlaandua le tùú Maaka ndóò sɛl piɔmndo le hala laandoo Asera-o. Mí Asa pesipesi sungbule len, mó loam-nden o pee pɔmbɔɔ Sedrɔn kɔngɔ.

2Masaa 23:12

Mó pesipesi fondala-loamaa-lasálàla va o cɛi coocoo Ahas-o coo lan, la masaa Yuda ndáà tangul tan pɛɛn, mó pesipesi vɛlɛ fondala-loamaa-lasálàla Manase ndóò tangul o bɛ́ɛ̀la tiɔnnda Cɛi-Mɛlɛka-o nin-ndan. Ndóò ciiyo lan pesipesio, mó kɔandu cundu kon, mó kɔ viaw ndu o bóllo Sedrɔn nin.

2Masaa 23:6

Mó soli yɔm soolaa va o Cɛi-Mɛlɛka-o nin-ndo, mó kɔa a ndu o kobio Yerusalɛm kɔɔli, o bóllo Sedrɔn nin, mó loam ndu, mó saŋ pulta lan o sɛila nda kumbu vanaa va ndu sooloo-a nin-ndan coo.

1Masaa 15:13

Mó faŋa hali Maaka kala ndɔ bolle vanlaandua le tùú Maaka ndóò sɛl piɔmndo le hala laandoo Asera-o. Mí Asa pesipesi sungbule len, mó loam-nden o pee pɔmbɔɔ Sedrɔn kɔngɔ.

O Kandɔɔ 3:23

Le hee, mí Mɛlɛka Hala toaw vanacieo, mó soli ndu o nakɔɔ Edɛn nin, haliko mo kɔ va vallo tosaa o lɛŋnde o fula o puulu ndɔɔ nin-nden coo.

Marke 14:26

Ndáà ciiyo condei, má kɔa o Pembii oliviei.

Matie 26:30

Ndáà ciiyo condun Hala-on solio, má kɔa o Pembii oliviei coo.

O Kandɔɔ 2:15

Mí Mɛlɛka Hala cua vanapɔnɔɔ, mó mal ndu o nakɔɔ Edɛn nin le baalaa tosaa lenin a le nakɔ kalaa mandaa.

1Masaa 2:37

Sina pɛngu maa paale n faŋannin ciee nanu mà taŋ pee pɔmbɔɔ Sedrɔn-nden, a co vu ɲinkon. A vi yɛ pɛ mɛɛ nɔm pila nuwviaa piɔ́m kon ni.

2Masaa 23:4

Mí masaa Yosia viam Hilkiya bolle vanaa-solia-lasálàá nda vanaa-solia-lasálàà tɔ̀a a vanaa va kèédei cumullo-a, má kɔ cua ɲɛm-laandun vannda ndáà toosiaa le Baal, le Astartee a le ɲɛm pangelen co o halataala-on-ndon, má kɔ loam mun o kobio Yerusalɛm kɔɔli, o bóllo Sedrɔn nin. Má yaa pulta ɲɛm ŋɔalɛin mun Betɛl.

2Dɛnnda lemasalan 29:16

Mí vanaa-solia-lasálàá luɛi o Cɛi-Mɛlɛka-o nin le ndu dindio lenin. Má soli ɲɛm nɔɔlɛin nda komal lenin-ndon kpow o bɛ́ɛ̀, mí leviia hun cɔwviaa mun, má soli mun o kobio kɔɔli, o bóllo Sedrɔn nin.

Nehemi 2:15

Icɔl pilɛ kon, mí heelu a ba bóllo le kpakio mɛɛndianndo vɛlɛ. O kon kɔɔli, mí luɛi o Dio bóllo, mí muungu.

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

Tɔŋ lasálàá 2:6

mò yimiyimi ndu, mò vow cuɛiyan lecoo. Sálà fula o ɲɛm vaan nin-ndo co kon ni.

Marke 14:42

La cɔn, n kɔnnun. La tofa vɔ vana co ya malɔɔ nda o ba-o hunɔɔ!»