Nsaŋ 17:3 - BII BILA

³ Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 17:3 Referans Kwoze

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Nsaŋ 3:17

Kani Hala vim Po ndɔɔ o ceendo coo le ceendo iyama kilul te, kɛ haliko mi ceendo sɔla cindaa ndu o ba.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

1Nsaŋ 4:6

Kɛ naa, Hala nɔ naa ni. Nilan vana sínà Hala-o yaŋ naa ni. Vana co le Hala loo, ndu yeŋ naa lani le. O kon naa n sínà hiyan co Kɔl toɲaa a kɔl luei vana o pɔwlan nin-ndo ni.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Nsaŋ 8:19

O kon má dimul ndu aa: «Kuɛɛ Fuɲa nɔm co yɛ?» Mí Yeesu muli aa: «La sina ya le, la sina vɛlɛ Fuɲa nuu le. Te niáà sina ya pɛ, la va Fuɲa nuu sina.»

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Esai 48:16

La sɔɔnguu ya ikɛi mì la yaŋ nilan! Kabi o kandɔɔ, i dimi ɲɛ-ɲɛ o vionnɔn nin te, kabi nɛɛ sɔɔn mun kandun-nda, i va lon. Sisa, Maalii Hala vem ya ni mó yɔngu ya kɔl ndɔɔ!

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

Nsaŋ 10:36

Ya yɛ, Hala hɛli ya ni, mó cuu ya o ceendo coo. Le yɛɛ niaa co yɛ niko dimio maa i yei ndu Hala, kani i dimi maa ya co Po Hala-o ni?

Nsaŋ 7:29

Ya yɛ, i sina ndu, o vomɔɔ ndɔɔ nin ya co ni, ndu vem ya ni.»

Nsaŋ 6:57

Maa mɛɛ Pua co yoomu-o vem ya, mì va yoomu le ndu Pua yɛ, lende koni, vana de ya pɛ, ndu vanin yoomu le ya.

2Dɛnnda lemasalan 15:3

Telen vilɛi hiow lɔ́ɔ́ kon, Israɛlla ndáà nɔ Hala kpeekpei le, vana-solia-lasálà ve nda tɛɛn le nda pɛɛku le, ndáà nɔ vɛlɛ tɔŋ te.

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Nsaŋ 11:42

Ya, i sínà maa a co ya mulullo lɔ́ɔ́-lɔ́ɔ̀, kɛ le sɛ́lɛ́ sim hoo nan-ndo ya co sɔɛi nuaa ni, haliko ma sina maa nɔm vem ya ni.»

Luke 9:48

mó dimul nda aa: «Vana-vana cɛl pɛ poombɔɔ ho o diola nilan, mɛɛ ya o cɛl lende ni, nduyɛ, vana cɛl-la pɛ, mɛɛ vana vem ya-o o cɛl lende ni. Kani vana hiow dɔɔnanndo o niaa tɛɛn-ndo, ndu hiow niaa ni.»

Marke 9:37

«Vana-vana bii pɛ cuaambɔa pɔmbɔa ha o pilɛ o diola nilan, mɛɛ ya pila o bii lende ni. Vana-vana bii yɛ ya pɛ, mɛɛ o co ya pila le o bii lende le, kɛ vana vem ya-o.»

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

Talelan 8:35

Kani vana saalun ya pɛ ndu saalun yoomoo, o kon Mɛlɛka ce ndu ɲia.

Nsaŋ 17:18

Maa mɛɛ n vem ya o ceendo coo yɛ, ya bɛɛ i vem nda o ceendo coo.

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

2Piɛr 1:2

Màá kɛndɛi a kɔlɲuloo kui niaa o lakɔl le sínà niaa síná Hala a Maalii naa Yeesu-o!

2Piɛr 1:3

Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

2Piɛr 1:8

Kani te la nɔ pɛ káàlan ndan, mì la kui niaa niŋ, la melnin niaa mì la kɛɛ ɲɛ tosa, te kon te mì la kɛɛ komɔɔ le Maalii naa Yeesu Krista sinaa le.

1Nsaŋ 1:2

kani cindaa cɔmnun, mí n ca ndu. A ndu o kɔɔ naa n co seilen tɛndaa ni, a cinda fɛɛn-fɛɛndo o kɔɔ naa n co sɔɛi ni, o va Pua ikɛi mó cɔmnun naa-o pɛɛn.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

1Nsaŋ 2:23

Vana-vana kɛɛ pɛ Poo, mɛɛ o nɔ vɛlɛ Fuɲaa le, vana sɔlɔlan pɛ sɔɛi Poo, ndu nɔ vɛlɛ Fuɲaa.