Nsaŋ 17:26 - BII BILA

²⁶ I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

Nsaŋ 17:26 Referans Kwoze

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.

Nsaŋ 15:9

Mɛɛ Pua kaola ya yɛ, lende ya bɛɛ kaola niaa ni. La lo o kaola nuu nin.

Hebreea 2:12

Mí Yeesu dimul Hala aa: «Àá Hala! I dimulnin puapilɛa nia sɔɛi nɔmnde, mì biilu nɔm vanaa laalannda kpow o hɔl.»

Nsaŋ 15:15

I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm.

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Condii lisai 22:22

Soli ya yàlàá o lasondo, mà baŋa ya o leela cìíya ha tɛɛn! Se kɛ a cii ya nihau bɛɛ mulul!

Nsaŋ 15:4

La lo o ya nin, mì lo niaa nin. Lɛwve nɔla komɔɔ a ba ndɔ le, te i lo i yiinan-nde o yɔm tumndo le. Lende koni, te la lo o ya nin te, la nɔla komɔɔ le.

Efɛsea 5:32

Toɲa bɛndoo co o vianaa o sɔɛi he nin. Le Krista a le kunda vanaa laalannda ya co ndu dimio ni.

Efɛsea 5:30

kani dialle ndii pilɛ naa n co o kɔɔle ndɔlen nin ni.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Nsaŋ 8:50

Ya, o co biilu ni ya pila le ya co nuwviaa le, vana pum co ndu nuwviaa ni, ndu kialu yamɛi ni.

1Nsaŋ 3:24

Vana bii pɛ tɔŋnda ndɔlan, mɛɛ ndu co o Hala nin, mì Hala va ndu nin. O kon naa n sínà ni maa Hala co naa nin, Kɔl-Diandaa o ke naa-o cɔm naa ken ni.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Kolɔsea 2:10

Nduyɛ o ndu nin dɛnndan kpow la co peelɔnndo ni, ndu co masalen tosaa kpaayalan a masɛi kpow coo-o.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

1Korɛntea 12:12

Nduyɛ, kɔɔle vanacieo len pilɛ le co ni, kɛ falon taw le nɔ ni. Falon n va bɛɛ sɛ́lɛ́ lende o kɔɔle len nin, kɔɔlen nden pilɛ kpé le co ni, lende koni Krista co ni.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Rɔmnda 8:10

Te Krista co pɛ niaa nin, a toɲa, la co a vílɛ́iya o falon nin a ba hakio. Kɛ le mɛɛ Kɔl-Diandaa co niaa nin yɛ, la sɔla yoomoo le dɛnɛ sandaa.

Nsaŋ 6:56

Vana de pɛ dialun nun mò kol kooma nian, ndu co ya nin, mì ya i va ndu nin.

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.