Nsaŋ 17:25 - BII BILA

²⁵ Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Nsaŋ 17:25 Referans Kwoze

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Nsaŋ 15:21

Kɛ ken kpow niaa tosallo, le diola nilan, kani a sinà vana vem ya-o le.

Nsaŋ 7:29

Ya yɛ, i sina ndu, o vomɔɔ ndɔɔ nin ya co ni, ndu vem ya ni.»

Nsaŋ 16:27

kani Pua pila kaola niaa le kaola niaa kaola ya, mí la laalan maa o Pua lo ya fula ni-o.

Hebreea 8:11

Vana-vana o nda tɛɛn suu lɛnin o caan ndɔ le, te kon te o puapilɛ ndɔɔ lo le ndu ya cɔmndo le, kani nda kpede sinanin ya. Mɛɛ nda co kpede, cɔn o vana hiow dɔɔnanndo-o, kɔ tiiya o kaasonɔ hiow nda kpede-o lo,

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Nsaŋ 10:15

maa mɛɛ Pua sina ya, mí ya i sina Pua yɛ, mí yɔngu yoomu nuu le saa nia.

Nsaŋ 8:55

Kɛ la sina ndu le. Ya yɛ, i sina ndu. Te i dimi pɛ maa i sina ndu le, i siŋnun ɲɛ pilɔɔ naa niaa, vana lacòòvaa pɛɛn. Kɛ i sina ndu, i co sɔɛi ndɔɛi biyɔɔ.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

Rɔmnda 3:26

telen Hala va nda biuvɔnndo-o. Lende ndu Hala cɔm dɛnɛ ndɔ sandaa sisa ni. Ò tuisi vanndacieea dɛnɛ palaa coo le hakila ndalan te, kani o yeema mò lo o sandaa, mò ke vɛlɛ vanaa laalan Yeesu-a di.

Rɔmnda 3:11

Vana-vana kindu kɔl te, vanndo pilɛ bɛɛ co Hala nuwviaa le.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Dɛnnda kiilaa 17:23

Kani telen ya va balɔɔ o kobi niaa nin-ndo, mí tofa sooluula niaalan. Mí komal bɛɛ fonda-loamaa-lasálàá pum a sɛvaa ho lecoo aa: ‹Le hala vana sina loo›. Ɛ̀ɛ̀ nduyɛ, o niaa co kon piɛiyo la sina ndu loo, sɔɛi ndɔɛi ya co niaa tiiyilallo ho nuaa ni.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Nsaŋ 17:18

Maa mɛɛ n vem ya o ceendo coo yɛ, ya bɛɛ i vem nda o ceendo coo.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»

Nsaŋ 16:3

A tosanin ken le tùú nda kɛɛ ya a Pua sinaa-o.

Nsaŋ 8:19

O kon má dimul ndu aa: «Kuɛɛ Fuɲa nɔm co yɛ?» Mí Yeesu muli aa: «La sina ya le, la sina vɛlɛ Fuɲa nuu le. Te niáà sina ya pɛ, la va Fuɲa nuu sina.»

Nsaŋ 6:19

Ndáà kɔlan o mɛnndan coo le kilola ŋuɛɛnu, te kon te kilola ŋɔmpum, má ca Yeesu hunɔɔ a ba dɛ̀ndɔ̀ɔ́ va-o o mɛnndan coo, mí siòònde bii nda.

Nsaŋ 3:17

Kani Hala vim Po ndɔɔ o ceendo coo le ceendo iyama kilul te, kɛ haliko mi ceendo sɔla cindaa ndu o ba.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Dɛnnda cɔɔmuanndan 16:5

Mí tuɛi mɛlɛkanɔ va mɛnndan bollen-ndo dimio aa: «A sandu, nɔm o diandaa, nɔm co má va paandu-o. A cii yamɛi nɔmnde kiolɔɔ.