Nsaŋ 17:22 - BII BILA

²² Ya yɛ, i cii nda biilu n yɔngu ya-o yɔngu, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Nsaŋ 17:22 Referans Kwoze

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

1Nsaŋ 3:24

Vana bii pɛ tɔŋnda ndɔlan, mɛɛ ndu co o Hala nin, mì Hala va ndu nin. O kon naa n sínà ni maa Hala co naa nin, Kɔl-Diandaa o ke naa-o cɔm naa ken ni.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Marke 6:7

O kon kɔɔli, mó veelu kaandeŋaa tɔ́ a à ŋiɔnda, mó va nda vomɔɔ a ŋiɔn-ŋiɔn. Mó ke nda kpaayaa ɲinaa vɔɔnda coo,

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Dɛnnda cɔɔmuanndan 21:14

O powtan tɔ́ a latiɔn coo kpaki kobi kalaa ndóò kilan ni, diola kilaa tɔ́ a à ŋiɔŋaa Saa téndóó la va lasɛvaalan o powta lan coo.

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

Rɔmnda 8:30

Vanaa o toosiaa kan-nda, mó veelu vɛlɛ nda. A o veelu kan-nda, mó siinguu nda vanaa sandaa. A o siinguu kan vanaa sandaa-a, mó biilu vɛlɛ nda.

1Nsaŋ 4:17

Lende kaolaa va o tiwnan naa o lakɔl ni, haliko mi n nɔ tiindanndo o paale kialaa iyamalen, kani mɛɛ Yeesu Krista co yɛ naa n co o ceendo ho coo ni.