Nsaŋ 17:19 - BII BILA

¹⁹ Ya pila i yɔngun le nda, haliko mi nda bɛɛ yɔngun nɔm o toɲaa nin.

Nsaŋ 17:19 Referans Kwoze

Hebreea 2:11

Yeesu dindi vanndacieea le hakila ndalan. Vana dindi vannda-o a vanaa o dindi-a kpow, fuɲa pilɔɔ nda nɔ ni. Lelan, siɛmbula ve ndu le nda veeloo aa puapilɛa le.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Nsaŋ 17:17

Dindi nda a toɲaa: sɔɛi nɔmnde co toɲaa ni.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

2Korɛntea 4:15

Le dɛnɛ niaa kɛndɔɔ sɔɔn mun kpow n co yɔŋnɔnndo ni. Haliko mi kɛndɛi Hala-e kui, mì vannda taw mal balikaa le Hala biiloo.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Hebreea 9:13

Mɛɛ o dema tosan yɛ, a cua pɛ kooma cuinaa toovia a ma navaa tovaa, a cua vɛlɛ pulta naw nda lom-ndo, a cucu lan vanaa cua hakio-a coo. O kon dialun ndan dendu a dɛnɛ haki kon o kɔɔ.

Esai 62:1

Le kaola ya kaola Siɔn-ndo, i meinin te! Le Yerusalɛm, i pɛnginin sondo le, háá mì cinda ndɔɔ tenga maa ɲɛ-tengaa paale siaa, mì baŋan ndɔɔ cɔmnun maa tɛngɛ mendulaa.

Hebreea 9:18

Lelan kpeekpei kpema tasoo kandun a koovan ni.

Nsaŋ 10:36

Ya yɛ, Hala hɛli ya ni, mó cuu ya o ceendo coo. Le yɛɛ niaa co yɛ niko dimio maa i yei ndu Hala, kani i dimi maa ya co Po Hala-o ni?

Yeremi 1:5

«Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

Nsaŋ 15:3

Niaa la cuu nin diondɔɔ a sɔɛi ya dimul niaa-e.

Nsaŋ 15:13

Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le.

Nsaŋ 17:20

O co ko le nda daama le ya co piɛiyo le, kɛ le vanaa laalannin ya o sɔɛi ndɛi kɔɔli-a bɛɛ.

2Korɛntea 7:14

I lisan bɛɛ ɲɛ-pɔmbɔ ndu o hɔl a niaa o kɔɔ, siɛmbula bii ya le. Maa mɛɛ naa n dimul niaa dɛnndan kpow a toɲaa-e, mí lisan naa n lisan Tite o hɔl-lo siŋnun toɲaa.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

1Nsaŋ 3:18

Cuavaa nia, n cɔmnùn kaola naa a lasondo a á lediɛɛmu daama le, kɛ n cɔmnùn ndu o dɛnndan a o toɲaa nin.