Nsaŋ 17:11 - BII BILA

¹¹ I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Nsaŋ 17:11 Referans Kwoze

Matie 6:9

Lelan mɛɛ niaa bɛnda mì la piɛi yɛ co hoo ni aa: ‹Fuɲa naa co o halataala-o, màá vana-vana sina maa ladiandaalan diola nɔmndan la co ni!

Talelan 18:10

Kpakio diola Mɛlɛka lan la co ni, lenin vana sandaa viannun ni mò sɔla kandaa.

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.

Efɛsea 4:4

Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.

Filipea 2:9

Lelan bɛɛ Hala heelu ndu ni, mó ke ndu diola hiow diolan kpow lan,

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

Dɛnnda kiilaa 3:21

Sunsun, mɛɛ mò lo vɔ o halataala háá mì paale Hala minginin dɛnndan kpow o polalen nden le tiiya, maa mɛɛ o dimi lɔ́ɔ́ kon sɔɛi ken a sondola vanaa-tɛɛngaa-diom Hala-a diandaa yɛ.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Esai 64:2

Tuma n tosa dɛnnda vueinannda naa n ve kɔl te lan-ndo, má toal, mí pembon hiilun nɔm laci.

Condii lisai 79:9

Sɔɔnguu ma mala naa, Hala vana ciindiaa naa, haliko mì bɛɛlen le kennun nɔm. Báŋá naa ma mal naa haki le hakila naalan, haliko mì diola nɔmndan la kela tɔ́ɔ́.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

Rɔmnda 12:5

lende naa n co sɛ́lɛ́ ni, kɛ falei ndii pilɛ kpé naa n co o Krista nin ni. Falon naa n co n'yiinanndon vellaa-velle ni, vana-vana o fonda ndɔ.

Rɔmnda 9:17

Kani mí sɔɛi Hala-e dimulun masaa Esipte aa: «I siinguu nɔm masaa haliko mi cɔm kpaaya nuu o nɔm nin, mì diola nilan la kela tɔ́ɔ́ o lɛŋnden kpow coo.»

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 7:33

Mí Yeesu dimi aa: «I co vɔ latulu naa niaa le telen bingi, o kon kɔɔli i muungun o vana vem ya-o lo.

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

Esekiɛl 20:44

Tuma ya tosalnin niaa lende le kaola ya nɔ le diola nilan-ndo-o, la sinanin maa ya co Mɛlɛka ni. Kani i biinin niaa mɛɛ káà niaa vɔɔndo a dɛnnda niaala lɔngɔlɛilan la co yɛ le, niaa cuavaa Israɛlla pɛɛn! Ya Maalii, ya co Mɛlɛka-o soo nuaa ni.»

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Yeremi 14:21

Le tɔ́ɔ́ nɔm kɛndɔɔ, soli kpɛŋɛ nɔm lemasa a biilu bɛndoo o baa nin te. Yiyan, kialu kpema nɔmndo a naa le!

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Esai 27:3

«Ya Mɛlɛka, ya co vana mandaa nakɔ kon ni, telen oo telen, i co ndu pɔɔliaa. Paalen a ɲumndan, i co cumullo le ndu mandaa, yɔŋii vannda hun luɛi lenin a kalan.

Dɛnnda cɔɔmuanndan 19:12

Hɔlta ndɔlan la va sandei maa leyin, mɔsilta lemasalan taw la va ndu o lebol. Ndóò nɔ diolan lapum lasɛvaa, vana-vana ndóò sina lan te, mɛɛ ndu pila.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.