Nsaŋ 17:1 - BII BILA

¹ Yeesu ciiyo sɔɛi lende, mó heelu hɔlla o halataala, mó dimi aa: «Pua, telenndo tiiya. Biilu Po nɔmndo haliko mi Poo biilu nɔm,

Nsaŋ 17:1 Referans Kwoze

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Nsaŋ 11:4

Yeesu tueyɔɔ dɔ́ɔ́ lende, mó dimi aa: «O co le piɔ́m sɔla le naa hoo bii ndu le, kɛ le biilu Hala-o cɔmndo, haliko mi Po Hala-o sɔla biiloo.»

Marke 14:41

Ndóò muungoo o yàándɔɔ, mó dimul nda aa: «La co vɔ lɔan a pɛngio? Sɔɛi del fɔ́! Telenndo tiiya, mì Po vanacieo del vanaa yɔŋ vɔɔnda o ba.

Condii lisai 123:1

Condii vannda keì solio nɛi-tɛɛn o kɔlan-nde. I heelu hɔlla mí tofa nɔm Mɛlɛka, nɔm co masalen tosaa o halataala-o.

Nsaŋ 11:41

O kon má faŋa powvo. Mí Yeesu heelu hɔlla coocoo, mó dimi aa: «Pua, i mel nɔm balika le tùú n mulul-la-o.

Nsaŋ 8:20

Telen Yeesu va vannda pɛɛkoo o Cɛi-Hala-o nin-ndo o dimi sɔɔn mun ni, nɛɛ nda vow bolofaa-a. Vana-vana bii ndu le, kani telen ndɔɔ ndóò tiiya vɔ le.

Nsaŋ 7:30

A va nɛilan nuwviaa le ndu biyɔɔ, kɛ vana-vana ve ndu ba holɔɔ le, kani telen ndɔɔ ndóò tiiya vɔ le.

Nsaŋ 16:32

Telen co hunɔɔ tiiya, o cuu yɛnin bɛɛ tiiya, mì la sɛŋin, mì vana-vana kɔɛ kpengii ndɔ, mì la mɛi ya ya pilɛ kpé. Kɛ i co ya pilɛ le, kani Pua co ya ikɛi.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Luke 22:53

Lepalaa-lepala, i va icali o Cɛi-Hala-o nin niaa tɛɛn, la bii ya le. Kɛ telen niaa a telen maɲumndo tiiya hoo ni.»

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Esai 38:14

I va caŋndo maa lɛɛfɛn te kon te maa yamantoando, I va somisominndo a caŋndo maa poonpoon, hɔlta nilan la sanga a tofaa coocoo. Éé Maalii, i dɔwnun yɛɛvɛ a sangaa, hun mà mala ya yandi!