Nsaŋ 16:5 - BII BILA

⁵ Nihau, o vana vem ya-o lo ya co kɔnndan ni, vana-vana co yɛ dɔ́ɔ́ ɲuna le nɛɛ ya co kɔlan-nda le!

Nsaŋ 16:5 Referans Kwoze

Nsaŋ 13:36

Mí Simɔn Piɛr ɲuna Yeesu aa: «Maalii, kuɛɛ nɛ n co yɛ kɔlan?» Mí Yeesu mulul ndu aa: «A tiw-vɔ ba kɔlan ya kɔɔli sunsun te, kɛ o kon kɔɔli a hun kɔanin.»

Nsaŋ 7:33

Mí Yeesu dimi aa: «I co vɔ latulu naa niaa le telen bingi, o kon kɔɔli i muungun o vana vem ya-o lo.

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 17:4

I biilu nɔm o lɛŋnden coo, mí i cii vali n ke ya le tosaa-o tosa.

Nsaŋ 16:10

A co vɛlɛ o pɔwlan nin a sandei o kɔɔ, kani o Pua lo ya co kɔlan ni, la ci lɛnin ya le.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Nsaŋ 16:16

Mí Yeesu dimul vɛlɛ kaandeŋaa ndɔa aa: «O lo ɲɛ-pɔmbɔ, la ci lɛnin ya le, telen bingi o kon kɔɔli, la canin ya vɛlɛ.»

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

Nsaŋ 6:62

Te la hun cɔ yɛ pɛ niko Po vanacieo helɔɔ nɛɛ o va o tasendɔ-a, vɛ̀ɛ̀ niaa dimi yɛnin?

Nsaŋ 17:13

Nihau, i co kɔlan o nɔm ndo, nduyɛ mɛɛ mì soo o ceendo coo, haliko mi kɔlta ndalan la pɛ a ɲaaloo mɛɛ kɔl nuu co o piaa a ɲaaloo yɛ.

Nsaŋ 16:17

Mí kaandeŋaa ndɔa pum dimulan aa: «Ɔ́ɔ̀ kɔlɔ sɔɛi ndɔɛi he aa: ‹O lo ɲɛ-pɔmbɔ, la ci lɛnin ya le, telen bingi o kon kɔɔli, la canin ya vɛlɛ.› Te kon te aa: ‹I co lakɔ o Pua lo›.