Nsaŋ 16:32 - BII BILA

³² Telen co hunɔɔ tiiya, o cuu yɛnin bɛɛ tiiya, mì la sɛŋin, mì vana-vana kɔɛ kpengii ndɔ, mì la mɛi ya ya pilɛ kpé. Kɛ i co ya pilɛ le, kani Pua co ya ikɛi.

Nsaŋ 16:32 Referans Kwoze

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Matie 26:31

O kon mí Yeesu dimul nda aa: «Cɔɛllɛn, niaa kpow la kɛɛnin ya, kani o co o sɛvaa aa: ‹I lɔaanin vana mandaa n'saa, mì kunda saa puusian.›

Nsaŋ 8:29

Vana vem ya-o co ya ikɛi, o mel-la ya pilɛ kpé le, kani ɲɛ hɛnan ndu-o ya co tosaa lɔ́ɔ́-lɔ́ɔ̀ ni.»

Nsaŋ 8:16

Te i kelu yɛ pɛ yamɛi, yamɛi toɲɛi ya kialu ni, kani i co ya pilɛ le, kɛ Pua vem ya-o co ya ikɛi.

Marke 14:27

Mí Yeesu dimul nda aa: «Niaa kpow la sɔlanin tɔɔndanndo le niaa faŋaa o nɛiyo coo, kani i co isɛvaa aa: ‹I lɔaanin vana mandaa n'saa, mì saa sɛŋin.›

Matie 26:56

Kɛ hee kpede tosan, haliko mi sɔɔn vanaa-tɛɛngaa-diom Hala-an sɛvan-ndon peelun.» O kon mí kaandennda kpow mal ndu, má sɔɔndian.

Nsaŋ 20:10

Mí kaandeŋaa ŋiɔŋaa kalaa muungun o la nda lo.

Nsaŋ 16:25

O talelan nin ya soo o niaa lo ni. Kɛ telen co tiiya, i suu lɛnin o niaa lo o latale nin te, kɛ i dimulnin niaa sɔɔn a Pua o kɔɔ kpendekele.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Nsaŋ 4:23

Kɛ telen co tiiya, o cuu yɛ nin bɛɛ tiiya, mì vanaa biilaa kpeekpeiya biilu Pua o kɔllo a o toɲaa nin, kani vanaa biilaa vaa lende Pua co nuwviaa ni.

Nsaŋ 4:21

Mí Yeesu dimul ndu aa: «Vuɛɛndo laalan ya, telenndo co tiiya, la biilu lɛnin Pua o pembei he coo te kon te Yerusalɛm te.

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Nsaŋ 5:28

Kɔndɔfili bii niaa le ken te, kani telen pum co hunɔɔ tiiya mì vanaa co o sɛilan nin-nda kpow a tuei diom ndɔɔ,

Nsaŋ 5:25

I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.

Marke 14:50

O kon mí kaandennda kpow mal ndu, má sɔɔndian.

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

Nsaŋ 16:31

Mí Yeesu ɲuna nda aa: «Vɛ̀ɛ̀ la laalan nihau?

Nsaŋ 19:27

O kon kɔɔli, mó dimul kaandennɔ kon aa: «Má cè kala nɔm!» Kandɔɔ nin a telen kon, mí kaandennɔ kalaa kɔa a ndu o ndu lo.

Dɛnnda kiilaa 21:6

O kon kɔɔli, mí n congan vellaa-velle, mí n luɛi o dɛ̀ndɔ̀ɔ́ nin, mí nda nda muungun o la nda lo.