Nsaŋ 16:28 - BII BILA

²⁸ O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 16:28 Referans Kwoze

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.

Nsaŋ 16:5

Nihau, o vana vem ya-o lo ya co kɔnndan ni, vana-vana co yɛ dɔ́ɔ́ ɲuna le nɛɛ ya co kɔlan-nda le!

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 16:16

Mí Yeesu dimul vɛlɛ kaandeŋaa ndɔa aa: «O lo ɲɛ-pɔmbɔ, la ci lɛnin ya le, telen bingi o kon kɔɔli, la canin ya vɛlɛ.»

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

Luke 24:51

O lo o nda duaa dɔvɔɔ, mó sɛyan a nda, mó helnun o halataala.

Nsaŋ 17:13

Nihau, i co kɔlan o nɔm ndo, nduyɛ mɛɛ mì soo o ceendo coo, haliko mi kɔlta ndalan la pɛ a ɲaaloo mɛɛ kɔl nuu co o piaa a ɲaaloo yɛ.

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Luke 9:51

Telen Yeesu va le kɔnndan o halataala-o kandɔɔ tiiyaa, mó baŋ kangalan le luɛyɔɔ Yerusalɛm ciee.

Nsaŋ 8:42

Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.

Nsaŋ 16:10

A co vɛlɛ o pɔwlan nin a sandei o kɔɔ, kani o Pua lo ya co kɔlan ni, la ci lɛnin ya le.

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»