Nsaŋ 16:27 - BII BILA

²⁷ kani Pua pila kaola niaa le kaola niaa kaola ya, mí la laalan maa o Pua lo ya fula ni-o.

Nsaŋ 16:27 Referans Kwoze

Nsaŋ 14:21

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

1Korɛntea 16:22

Te vanndo kaola Maalii Yeesu Krista le, ndu siŋnun vana dangaa. Maranata - Maalii naa co hunɔɔ.

Nsaŋ 8:42

Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.

1Nsaŋ 4:19

Naa, n co ndu kaolaa, kani ndu fɔlɔn kaola naa ni.

2Korɛntea 5:14

Kani kaola Yeesu-o hiow naa mayoomu, bau n sínà pɛɛngu maa vana pilɛ kpé sɔla piɔ́mndo le vannda kpow ni. Lelan, piɔ́m o sɔla kon-ndo, vannda kpow a vi vu kon lende ni.

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»

Matie 10:37

Vana kaola pɛ fuɲa ndɔ, te kon te kala ndɔ hiovɔɔ ya coo, mɛɛ ndu bɛnda mò va kaandennɔ ni le. Vana kaola pɛ po ndɔɔ, te kon te cua ndɔɔ hiovɔɔ ya coo, mɛɛ ndu bɛnda mò va kaandennɔ ni le.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Efɛsea 6:24

Màá vanaa kaola Maalii naa Yeesu Krista kaola kpeekpeiyo-a kpow a sɔla dɛnɛ kɛndɔɔ!

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Hebreea 12:6

Kani vànà Mɛlɛka kaola-o, ndu o saangiaa le dɛnɛ vɔɔn ndɔɔ ni, cuavaa ndɔa o lɔaa a sionnden ni.»

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

1Korɛntea 15:47

Adam tasoo a puuloo Mɛlɛka toosiaa ndu ni, kɛ o diinndɔɔ ndu, o halataala o fula ni.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Nsaŋ 7:29

Ya yɛ, i sina ndu, o vomɔɔ ndɔɔ nin ya co ni, ndu vem ya ni.»

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.