Nsaŋ 16:25 - BII BILA

²⁵ O talelan nin ya soo o niaa lo ni. Kɛ telen co tiiya, i suu lɛnin o niaa lo o latale nin te, kɛ i dimulnin niaa sɔɔn a Pua o kɔɔ kpendekele.

Nsaŋ 16:25 Referans Kwoze

Nsaŋ 16:12

I nɔ vɔ sɔɔn taw le niaa dimullo, kɛ la nɔla vɔ mun bila biyɔɔ sunsun te.

Nsaŋ 10:6

Yeesu dimul nda taloo hoo, kɛ a sina yingila ndɔɔ le.

Marke 4:13

Mó dimul nda vɛlɛ aa: «La bii bundɛi he bila le. Vɛ̀ɛ̀ niaa bii yɛnin bundɔn tɔ̀un kpow bila?

Condii lisai 78:2

I co sondoo kumbio le sɔɛi o talelan nin, mì cɔm niaa dɛnnda viannannda masindɛlan.

Condii lisai 49:4

Sondo co sɔɔn kɔlkalon dimio. Kɔl nuu co yiyannda kɔlkalulan solio.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Talelan 1:6

Talelan ndan la mala le kɔlɔ talelan a sɔɔn viannanndon sinaa, le sɔɔn vanaa kɔlkalua a sɔɔn kendu bila biyɔɔ-on sinaa.

Marke 4:34

Ndóò suu o nda lo mì ndóò kɛɛ taloo dimi le, kɛ te ndóò cal pɛ landɔ nda kaandeŋaa ndɔa, o tɛɛsial nda mun kpede.

Marke 8:32

Mó dimul nda ndi lende kpendekele. Mí Piɛr veelu ndu landɔ, mó kɔ va ndu kpaa le sɔɔn vaa lende dimio.

Nsaŋ 10:24

Mí Yuifia balu ndu, má dimul ndu aa: «Haa telen kuɛɛ kɔltan la lo yɛnin naa la landaa nuaa? Te nɔm co Krista ni, mɛɛ dimul naa kpendekele.»

Nsaŋ 16:32

Telen co hunɔɔ tiiya, o cuu yɛnin bɛɛ tiiya, mì la sɛŋin, mì vana-vana kɔɛ kpengii ndɔ, mì la mɛi ya ya pilɛ kpé. Kɛ i co ya pilɛ le, kani Pua co ya ikɛi.