Nsaŋ 16:22 - BII BILA

²² Lende koni, niaa bɛɛ, mɔnɛi co niaa o lakɔl sunsun, kɛ i canin niaa vɛlɛ, mì kɔlta niaalan la dɔwnun ɲaale, vana-vana nɔlanin ɲaale niaa poonda le.

Nsaŋ 16:22 Referans Kwoze

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Dɛnnda kiilaa 13:52

Mí kaandennda pia a ɲaaloo a á Hala Kɔl-Diandaa.

Nsaŋ 16:6

Kɛ le mɛɛ ya dimul niaa lende yɛ kɔlta niaalan la co o sangaa nin ni.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Dɛnnda kiilaa 16:25

Di-tɛɛndo kandɔɔ tiiyaa, mí Pol nda Silas a va Hala piɛiyo, má va ndu condon solullo. Vanaa kaasoa tɔ̀a va nda nilan yaŋɔɔ.

Esai 25:9

Vannda diminin paale len aa: «La tofa vɔ Hala naa!» O ndu coo naa n kɛsi kɔllo ni, ndu baŋa naa ni. Ndu co Mɛlɛka ni, ndu naa n handu laalan naa coo ni. Lelan, n naŋnun kɔl mì n dɔwnun ɲaale le cinda o nɔ-o.

Condii lisai 146:2

Tuma ya vanin yoomu-o kpow bɛngu, i vanin balan lɔɔ, o ceen nuu nin kpow, i vanin condon solio le Mɛlɛka lisaa.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

Hebreea 10:34

Mí mɔnɛi bii niaa niaa vanaa kaasoa latulu, mí la cɛl a ɲaaloo le niaa ɲɛm nian poondiaa o laba, kani la sínà maa la nɔ ɲɛm hiow naŋɔɔ-on, n co le fɛɛn a fɛɛn-ndon.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Nsaŋ 21:7

O kon mí kaandennɔ Yeesu ndóò kaola-o dimul Piɛr aa: «Maalii ni se.» Simɔn Piɛr tueyɔɔ dɔ́ɔ́ maa Maalii ni, mó vownun volɔɔla ndɔlan, kani kɔɔle fondo o va ni, mó del o mɛnndan nin.

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Nsaŋ 14:1

Mí Yeesu dimul kaandeŋaa ndɔa aa: «Kɔlta niaalan la sanga le, la laalan Hala mì la laalan ya vɛlɛ.

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Luke 24:41

Kaandennda ndáà laalan-ndɔ le, kani a va a ɲaaloo, kɔndɔfillo va nda vɛlɛ taw, kɛ mí Yeesu ɲuna nda aa: «Vɛ̀ɛ̀ la nɔ ɲɛ pum nanu le dioo?»

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Luke 10:42

kɛ nduyɛ, dɛnɔɔ ndu pilɛ kpé naŋ ni. Dɛnɛ hiow kon naŋɔɔ-o Mari hɛli nuaa ni, nduyɛ, vana-vana heelunin ndu dɛnɛ kon o ba le.»

Matie 28:8

O kon má keleŋa faŋan o sɛiyo, má muungu a siòònde a á ɲaale bɛndoo, má ɲaanun, má kɔ dimul kaandennda yoongu kon.

Nsaŋ 16:20

I co niaa toɲaa dimul kpendekele, la caŋnin mì la cɛɛŋun, mì ceendo ndu dɔwnun ɲaale. Mɔnɛi biinin niaa, kɛ mɔnɛi niɛi ken siŋnunnin ɲaaloo.

Luke 19:26

Mí masaa dimi aa: ‹Vana nɔ ɲɛ o ba-o, a cɔɔlunnin ndu yɔngu. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba.

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

Nsaŋ 16:16

Mí Yeesu dimul vɛlɛ kaandeŋaa ndɔa aa: «O lo ɲɛ-pɔmbɔ, la ci lɛnin ya le, telen bingi o kon kɔɔli, la canin ya vɛlɛ.»

Condii lisai 33:21

O ndu nin kɔlta naalan la dɔawnun ɲaale ni, kani n laalan diola ndɔla diandaa lan.

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

2Korɛntea 6:10

A co naa kɔltan tɛɛmbuuo, kɛ nduyɛ n co a ɲaaloo lɔ́ɔ́-lɔ́ɔ̀. N co maa vanaa kɔɛi bɛndu, kɛ nduyɛ n co vannda tɔnɔɔ looloo, n co maa vanaa lepɛŋ, kɛ nduyɛ, ɲɔɔn kpow n co naa o ba.