Nsaŋ 16:20 - BII BILA

²⁰ I co niaa toɲaa dimul kpendekele, la caŋnin mì la cɛɛŋun, mì ceendo ndu dɔwnun ɲaale. Mɔnɛi biinin niaa, kɛ mɔnɛi niɛi ken siŋnunnin ɲaaloo.

Nsaŋ 16:20 Referans Kwoze

Nsaki 1:2

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu,

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

2Korɛntea 6:10

A co naa kɔltan tɛɛmbuuo, kɛ nduyɛ n co a ɲaaloo lɔ́ɔ́-lɔ́ɔ̀. N co maa vanaa kɔɛi bɛndu, kɛ nduyɛ n co vannda tɔnɔɔ looloo, n co maa vanaa lepɛŋ, kɛ nduyɛ, ɲɔɔn kpow n co naa o ba.

Marke 16:10

Mí Mari kon kɔ dimul vanaa va ndu Yeesu kɔɔli, má va caŋndo le vu ndɔɔ-a sɔɛi ken.

Yeremi 31:25

Kani i kenin vanaa co o sangaa nin-nda kɔlɲuloo mì mingi vanaa nɔ lɛ mayoomu le-a yoomuan.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

Luke 24:21

Naa naa, n nɔ kɔlkɛsiaa maa ndu óò baŋanin Israɛlla ni. Handɔɔ o kon coo, kabi dɛnnda lan la hiow, paale yàándɔlen naa n co hau nuaa ni.

Condii lisai 30:11

Lelan, tuei ya diom, Mɛlɛka, ma tuinun ya iɲíí. A yandi Mɛlɛka, mala ya.

Condii lisai 30:5

La solul Mɛlɛka condon, niaa vanaa lo o lediom coo a ndu-a. La lisa ndu mì la cɔm diondɔɔ ndɔɔ.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Luke 24:17

Mí Yeesu ɲuna nda aa: «O sɔɛi yɛɛ coo niaa co yɛ kɔlan a suukanndo ho?» Má sim, mí mɔnɛi bii nda.

Luke 23:27

Vannda sɛ́lɔ́ɔ́ taw va ndu kɔlan kɔɔli, vanlaandua va kɔlan a yeelan ma va lɔlulan lɔɔnɔnndo.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›

Dɛnnda cɔɔmuanndan 11:10

Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Nsaŋ 16:6

Kɛ le mɛɛ ya dimul niaa lende yɛ kɔlta niaalan la co o sangaa nin ni.

Luke 22:62

Mó fula o bɛ́ɛ̀, mó kɔ caŋ taw.

Luke 22:45

Ndóò ciiyo piɛilen, mó muungu nɛɛ kaandennda va-a, mó komal nda o lɔan a mɔnɛi.

Luke 6:21

Dɛnɛ kɛndɔɔ co le vanaa yiaan ma co nɛiyo sunsun-nda, kani la pumnin. Dɛnɛ kɛndɔɔ co le niaa co caŋndo sunsun-nda, kani la dɔawnunnin ɲaale.

Marke 14:72

Fɔ́ɔ́fɔ̀, mí kongillo koova vɛlɛ o diinndɔɔ. O kon, mí Piɛr yiyan sɔɛi Yeesu ndóò dimul ndu-e maa: «Lɔ́ɔ́ pá kongillo koova lediin, a vuununnin leyáá maa a sina ya le.» O kon mó caŋ.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Condii lisai 97:11

Ɲɛ-tengaa co tengaa le vanaa sandaa, kɔlkɛndɔɔ co le vanaa dendu kɔltan-nda.

SƐBƐ YƆB-O 20:5

le telen bingi kínɛí vana kɔlvesɛiyo tiw dɛnɛ ba ni, kɔlkɛndɛ vana yɔŋ vɔɔndo bendu bu le.

1Tesalonikea 1:6

Niaa yɛ, a sanga bɛndu niaa sɔla-o kpede, mí la vial naa, mí la vial vɛlɛ Maalii o dɛnndan nin, mí la cɛl sɔɛi Hala-e a ɲaaloo, ɲaale Hala Kɔl-Diandaa yɔngu niaa-o pɛɛn.

Nsaŋ 20:20

Mɛɛ o dimi lende, mó cɔm nda bala ndɔlan a lumgbui ndɔɛi. Mí kaandennda dɔawnun ɲaale le Maalii cɔu.

Matie 21:38

Kɛ vanaa tósà baalaa o nakɔ n'rɛsɛnndo nin-nda cɔu po ndɔɔ, má dimulan aa: ‹Vana nɔ kɛ́ɔ-vo co hoo ni. La hun n diinun ndu, mí n loo kɛ́ ndɔɔ.›