Nsaŋ 16:2 - BII BILA

² A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Nsaŋ 16:2 Referans Kwoze

Nsaŋ 9:22

Vanaa po kon a suu lende fondo le, kani ndáà nɔ siòònde a Yuifia, kani mí Yuifia ndáà cɛlan maa vana-vana dimi pɛ kpendekele maa Yeesu co Krista ni, a soli ndu o cɛi lekaando nin.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Dɛnnda cɔɔmuanndan 6:9

Mɛɛ o kumbi tɔɔmasele ŋuɛɛnundɔɔ, mí ca kɔlta vannda pum o fonda-loamaa-lasálàá bɛngu, vanaa ndáà kili bololan le sɔɛi Hala-e a le seile ndáà timbi len-nda pɛɛn.

Nsaŋ 12:42

Kɛ nduyɛ, hali simlacia tɛɛn, mí vanaa bɔɔ-bɔɔ laalan ndu. Kɛ Faliisia soli laalan ndaa kpendekele le, yɔŋii ndáà kuuna nda le kɔlan o cɛila lekaanndan nin.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

1Korɛntea 4:13

A tɛɛmbuu pɛ naa diolan, n tɛɛlun nda. Háá sunsun, a co naa cɔu maa nɔ́ɔ́ sál, nɔɔ le ceendo kpede.

Dɛnnda kiilaa 7:56

Mó yonda aa: «La tofa vɔ, i co halataalaa cɔu o kumbiaa, Po vanacieo co isisi Hala o ba kɛndɔɔ coo.»

Matie 24:9

A tuisinin dɛnɛ palaa súú-súù ka niaa coo, mà diw niaa, mì vanaa-mangalaa-isɔɔa kpow a pɛɛsa niaa le diola nilan.

Nsaŋ 9:34

Má mulul ndu aa: «Nɔm pila kpow, o hakio nin n velun ni, nɔm kon hun naa pɛɛkoo ni!» Má ɲindu ndu o bɛ́ɛ̀.

Esai 65:5

a co dimio aa: «Nannun ndon polon, sɔɔnguu ya ikɛi le, kani (taa pilan pɛ ya), a siŋnun o diandaa siŋnun teengen-ndo». Kon kpede kumnde o co ya o milin ni, yinnde co niinoo sandei kpɛŋ nden o co ni.

Dɛnnda kiilaa 5:33

Vanaa kialaa n'yamaa tueyɔɔ sɔɔn mun, má tambu kɔltan, o kon má tuu le nda diwvo.

Nsaŋ 4:21

Mí Yeesu dimul ndu aa: «Vuɛɛndo laalan ya, telenndo co tiiya, la biilu lɛnin Pua o pembei he coo te kon te Yerusalɛm te.

Filipea 3:6

Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

Daniɛl 11:33

Vanaa hiow kɔlkaloo nda tɛɛn-nda pɛɛkunin vannda taw. Telen pum o kon kɔɔli, a diwnin a bɔɔ-bɔɔ nda tɛɛn a mɔɔn cɔwvon, a loamnin a pum a yinnden, a malnin a pum o kaasoo ma puu nda ɲɛm ndan o laba.

Nsaŋ 4:23

Kɛ telen co tiiya, o cuu yɛ nin bɛɛ tiiya, mì vanaa biilaa kpeekpeiya biilu Pua o kɔllo a o toɲaa nin, kani vanaa biilaa vaa lende Pua co nuwviaa ni.

Nsaŋ 16:25

O talelan nin ya soo o niaa lo ni. Kɛ telen co tiiya, i suu lɛnin o niaa lo o latale nin te, kɛ i dimulnin niaa sɔɔn a Pua o kɔɔ kpendekele.

Nsaŋ 16:32

Telen co hunɔɔ tiiya, o cuu yɛnin bɛɛ tiiya, mì la sɛŋin, mì vana-vana kɔɛ kpengii ndɔ, mì la mɛi ya ya pilɛ kpé. Kɛ i co ya pilɛ le, kani Pua co ya ikɛi.

Masaa kialaa n'yamaa 6:30

Mí vanaa va o kobi kon nin-nda dimul Yoas aa: «Soli po nɔmndo mo sɔla piɔ́mndo, le puusiaa o puusiaa máán Baal-lo, mó komba yɔm soolaa va lon-ndo-o.»