Nsaŋ 16:19 - BII BILA

¹⁹ Yeesu sinaa maa a yeema le ndu ɲunaa, mó dimul nda aa: «Mò va maa o sɔɛi ya dimi-e coo niaa co ɲuunianndo le kɔlɔɔ sinaa nuaa ni: ‹O lo ɲɛ-pɔmbɔ, la ci lɛnin ya le, telen bingi o kon kɔɔli, la canin ya vɛlɛ.›

Nsaŋ 16:19 Referans Kwoze

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»

Nsaŋ 16:16

Mí Yeesu dimul vɛlɛ kaandeŋaa ndɔa aa: «O lo ɲɛ-pɔmbɔ, la ci lɛnin ya le, telen bingi o kon kɔɔli, la canin ya vɛlɛ.»

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Nsaŋ 13:33

Cuavaa nia sei! I co vɔ niaa tɛɛn le telen bingi. La nuwviaanin ya, kɛ mɛɛ ya dimul Yuifia yɛ ya co niaa dimul ni maa la nɔlanin kɔlan nɛɛ ya co lakɔ-a le.

Nsaŋ 7:33

Mí Yeesu dimi aa: «I co vɔ latulu naa niaa le telen bingi, o kon kɔɔli i muungun o vana vem ya-o lo.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Matie 9:4

Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl?

Matie 6:8

La vial nda le, kani Fuɲa niaa ndóò cii nin ɲɛ niaa nɔ makoo-o sina, lɔ́ɔ́ pá niáà ɲuna ndu.

Marke 9:32

Kɛ kaandennda ve sɔɛi ken bila biyɔɔ le, nduyɛ má sika le ndu ɲunaa.

Nsaŋ 6:61

Le tùú Yeesu ndóò sina maa kaandeŋaa ndɔa co sɔɔn pɔmbɔn a pɛɛku ndɔ kon o kɔɔ-o, mó ɲuna nda aa: «Vɛ̀ɛ̀ mì sɔɔn ya dimi mun-ndon pala niaa?

Nsaŋ 16:18

Kɔlɔ yɛɛ co yɛ ‹ɲɛ-pɔmbɔ› o co kon dimio-o? N co sɔɛi ndɔɛi he bila biyɔɔ le few!»

Nsaŋ 16:23

Paale len, la ɲuna lɛnin ya isɔɔ oo isɔɔ le. I co niaa toɲaa dimul kpendekele, ɲɛ niaa piɛinin Pua o diola nilan-ndo, o kenin niaa ndu.

Nsaŋ 16:26

Paale len, la piɛinin Pua o diola nilan, i dimi lɛnin maa i co Pua piɛi le niaa le,