Nsaŋ 15:9 - BII BILA

⁹ Mɛɛ Pua kaola ya yɛ, lende ya bɛɛ kaola niaa ni. La lo o kaola nuu nin.

Nsaŋ 15:9 Referans Kwoze

Nsaŋ 17:26

I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

1Nsaŋ 2:28

Lelan, cuavaa nia, la lo ndu nin, haliko telen o cɔmnunnin-ndo, mì n sɔla tiindanndo, o kon siɛmbula biinin naa a ndu o hunɔɔ ndɔɔ le.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Nsaŋ 15:13

Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le.

Nsaŋ 15:11

I dimul niaa ndi lende, haliko mi ɲaale nuu va niaa o kɔl, o kon mì ɲaale niaa peelun.

Efɛsea 3:18

o kon mì niaa vanaa diandaa kpow tiwba bilaa biyɔɔ mɛɛ kaola Krista-o pɛngɛlan yɛ, mɛɛ o bandu yɛ, mɛɛ o hel-lɛ a mɛɛ o yingila yɛ.

Yude 1:20

Kɛ niaa caaŋaa nia hɛnan ya-a, la hiow laci a simndan yili o laalan niaa diandaa nin, la piɛi a kpaaya Hala Kɔl-Diandaa.

Nsaŋ 3:35

Fuɲaa kaola Poo, mó sɔaa ndu dɛnndan kpede o ba.