Nsaŋ 15:6 - BII BILA

⁶ Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Nsaŋ 15:6 Referans Kwoze

Matie 7:19

Yɔm oo yɔm kum kulun kɛndɛ le, a kelu ndu, a viow ndu o yin.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Matie 13:41

Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,

Matie 3:10

Cuei cuu nin cɛɛŋa le puundun yɔmnde kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.

2Piɛr 2:20

Kani vanaa pum hɛlun dɛnnda vɔɔnnda ceenndan o Maalii naa a vana naa ciindiaa Yeesu Krista sinaa kɔɔli, kɛ taa muungu pɛ mà malnun dɛnnda lan o ba, mì la nɔla nda, ceen ndaa vɔwnin bɛɛ hiovɔɔ o tasoo coo.

Hebreea 10:27

fɔ calle cumndo a siòònde, le yamɛi Hala kilulnin vana kon-nde a yinnde bɛndule loamnin vanaa nila kalua len.

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Esekiɛl 17:9

Dimul nda aa nuaa Maalii, o co Mɛlɛka-o ɲuna ni aa: «Vɛ̀ɛ̀ rɛsɛn tum kon dɔawnunnin pá fuma? Vɛ̀ɛ̀ kovɛ tasoo sungunin puundun ndɔn mò keenduu kɔmnde ndɔlen haliko mo vesa, mì pei ndɔɛi o soli-e kpede i vesa le? Le ndu sungɔɔ a puundun ndɔn, vana nɔnin kpeku a kpaayaa bɛndu, te kon te a vannda sɛ́lɛ́ bɛndu le.

Esai 14:19

Kɛ nɔm, a viownun bɔɔ sɛi nɔmndo levil, maa hɔ́ɔ́ lende nda viiku-o, maa vanaa vi o mɔɛi cɔwve bɛngu-a, a nda ɲindu o powta soon bɛndoo coo-a, maa vana vílɛ́i nda nɛw a labɛngu-o.

Condii lisai 80:15

Nɔm Hala-Nɔ-Kpaayaa-Kpow-vo, muungu naa o ibuŋ yandi! Nɛɛ n co o halataala-a, tofa vɔ lɛŋ ma ce. Mulul rɛsɛn tumndo ho hɔlla.

SƐBƐ YƆB-O 15:30

O helunnin ɲumndan lɔ́ɔ́-lɔ́ɔ̀ le. O vanin maa yɔm yinnden le cii tɛyun ndɔn loomɔɔ-o, Hoeyii Hala-e viwanin ndu o lepilɔɔ polon.

Matie 27:5

O kon, mí Yuda kɔ vuu volin latámán mun o Cɛi-Hala-o nin. Mó muungu, mó kɔ baanun yoolen o labolo, mó landun.

Esai 27:10

Kani kobi mayoomoo lonin fondo fúú, o siŋnunnin fonda vannda piow-vo, o siŋnunnin fonda malnun-ndo maa lɛŋnde veselɛilen. Navaa téndéa vanin billo dioo lon, a vanin hinilan pɛngio lon ma va lɛwvon sɔmndo.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

2Samiɛl 23:7

Vana pilan ndu le, fɔ ma nɔ baw icilinndo o ba, te kon te fɔ ma nɔ piaw bállo o ba le tiindanndo. Yɔm n'yɔɔ vaa lende yɛ, o foofo vana loam ndu ni mungén!›»