Nsaŋ 15:5 - BII BILA

⁵ Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le.

Nsaŋ 15:5 Referans Kwoze

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Talelan 11:30

Dɛnnda vana sandaa la co maa yɔm yɔngu cindaa-o. Vana nɔ pɛ kɔlkaloo, o sɔla vannda.

2Korɛntea 13:8

Kani n tiwba ɲɛ-ɲɛ tosà le toɲa Hala-o simullo le, le toɲaa tosaa daama naa n nɔ kpaayaa ni.

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Nsaŋ 12:24

I co niaa toɲaa dimul, te kulii n'malle del lɛŋ mì i vi le, i lo ndi pilɛ. Kɛ te i vi pɛ, i kom kullon taw.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Nsaŋ 9:33

Te langbanɔɔ ho ndóò ve vana Hala-o le, ndóò nɔla nin ɲɛ-ɲɛ tosaa le.»

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

1Korɛntea 12:12

Nduyɛ, kɔɔle vanacieo len pilɛ le co ni, kɛ falon taw le nɔ ni. Falon n va bɛɛ sɛ́lɛ́ lende o kɔɔle len nin, kɔɔlen nden pilɛ kpé le co ni, lende koni Krista co ni.

1Piɛr 2:4

La sɔɔnguu ndu o ibuŋ, ndu pow kiyɛiyo, o vanndacieea viow-vo, kɛ mí Hala ca ndu ɲɛ sɔvɛ bɛndu, mó hɛli ndu.

1Korɛntea 12:27

Niaa yɛ, kɔɔle Krista len niaa co ni, niaa a pilɛn-pilɛnnda kpow, dialun ndɔn niaa co ni.

Efɛsea 5:9

kani tɔnɔ ɲɛ-tengaa co dɛnɛ kɛndɛ súú-súù ka ni, dɛnɛ sandaa a toɲaa.

2Korɛntea 9:10

Hala, o yɔ̀ngu vana saŋaa yɛiye mò yɔngu ndu vɛlɛ ɲɛdiaa le dioo-o yɔngunin niaa yɛiye le saŋɔɔ, mò kui ndu. O kon kɔɔli, mò kui kɔmnde dɛnɛ sandaa niaa.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Rɔmnda 12:5

lende naa n co sɛ́lɛ́ ni, kɛ falei ndii pilɛ kpé naa n co o Krista nin ni. Falon naa n co n'yiinanndon vellaa-velle ni, vana-vana o fonda ndɔ.

1Korɛntea 10:16

La yiyan-ndɔ a taala kólaa duaa naa n mel Hala balikaa mì n kol lenin-ndo. Vɛ̀ɛ̀ o co ndu le co kooma Krista ma naa n kol vellaa-velle-an te? Bulu naa n yimiyimi-o, vɛ̀ɛ̀ o co ndu le co dialun Krista naa n dia vellaa-velle-on te?

Osee 4:8

Vanaa-solia-lasálàá co tɔnɔɔ sɔlaa o yɔŋnda vɔɔnnda vanaa nia nin. Ɲɔɔ ndu pilɛ kpé nda yeema ni: mì vanaa nia va hiovɔɔ laci a hakilan tosaa.

Matie 13:21

kɛ ndu pila nɔ n'puundu le. Vana cɛl sɔɛi le telen bingi-o o co ni. Kɛ te dɛnɛ palaa, te kon te yɛle tolaalen le komal ndu dɔ́ɔ́ pɛ le sɔɛi Hala-i ken, o mal nɛiyo.