Nsaŋ 15:24 - BII BILA

²⁴ Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Nsaŋ 15:24 Referans Kwoze

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Nsaŋ 10:37

Nduyɛ te i tosa dɛnnda Fuɲa nuu le, la laalan ya le.

Nsaŋ 10:32

O kon mí Yeesu dimul nda aa: «I tosa dɛnnda kɛndɛkɛndɛla Pua cɔm ya lan taw niaa o hɔl. O dɛnnda lan nin, le dɛnɛ kuɛɛ niaa yeema yɛ le ya viiyo a powtan mì la dii ya?»

Nsaŋ 9:32

Lepilɛ bɛɛ n tui-yɔ maa vanndo kumbi vana velun o sumɛiyo-o hɔltan te.

Nsaŋ 7:31

Mí vanaa bɔɔ-bɔɔ o sɛ́lɔ́ɔ́ tɛɛn a laalan ndu, ma va ɲunanndo aa: «Hunɔɔ Krista co-o, o tosanin pá dɛnnda kaamaalan mò hiow langbanɔɔ ho?»

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Matie 9:33

Mó toaw ɲinaa, mí bobonɔ kalaa soaa. Mí kaamaa bɛndoo bii sɛ́lɛ́ va lon-ndo, má dimi aa: «Kabi bɛɛ n ci dɛnɛ vaa nuaa Israɛl te.»

Tɔŋ miingua 5:9

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

2Timote 3:4

Vanaa tosà yalalen-nda a vanaa tosà hɛnan ndaa-a. A vanin vanaa hɔlaa heelaa bɛndu. A kaolanin ɲaale ceendo hiovɔɔ Hala coo.

Rɔmnda 1:30

congulan, Hala simullo, caanda yeowlan, yongaa, sangalanndo, yɔŋ vɔɔn bɛndu-bɛndoo a nila kalulan a vanaa velu nda-a.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 12:45

Vana ce ya pɛ, mɛɛ vana vem ya-o o ce vɛlɛ lende ni.

Nsaŋ 6:36

Kɛ i dimul niaa ndi: la ce ya, kɛ nduyɛ la laalan te.

Luke 24:19

Mí Yeesu ɲuna nda aa: «Dɛnnda yɛɛ nɛ lan?» Má mulul ndu aa: «Ɲɛ yɔŋnun Yeesu fula Nasarɛt-o pɛɛn, o yɔŋnun Vana-tɛɛngaa-diom Hala kpaayaa-o, o cɔm kon o dɛnnda o tosa lan nin a sɔɔn o va dimi-on nin Hala o hɔl a vannda kpow o hɔl.

Marke 2:12

Fɔ́ɔ́fɔ̀, mó can vannda kpow o hɔl, mó cua ɲɛ ndɔ hinia, mó fulan. Mí kɔndɔfili bɛndoo bii nda, má biilu Hala a dimio aa: «Kabi bɛɛ, n ci vɔ dɛnɛ vaa nuaa le.»

Matie 21:32

Kani Nsaŋ hin o niaa lo, mó hun cɔm niaa nɛi sandaa, kɛ la laalan ndu le, kɛ mí vanaa biyaa mulua a vanaa suundaa laalan ndu. La ce dɛnnda lan kpow, kɛ la mel yɔŋ vɔɔndo mì la laalan ndu le.»

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Talelan 8:36

Kɛ vana pilan pɛ ya tana ndu kɔndu dɛnɛ. Vana-vana pɛɛsa ya pɛ, mɛɛ piɔ́mndo ndu yeema ni.»

Condii lisai 81:15

I va yaamɔaa ndaa malɔɔ nda o ba sisa, mì yáà ciŋilan vanaa co nda ciŋilanndo-a.

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Nsaŋ 12:10

Mí bolii vanaa-solia-lasálàá dimi le Lasar bɛɛ diyɔɔ,

Nsaŋ 9:41

Mí Yeesu mulul nda aa: «Te niáà va pɛ vanaa sumɛiya, niáà nɔnin haki le. Kɛ la co nin dimio aa: ‹N co cɔu:› lelan hakio co niaa kuee.»

Nsaŋ 15:21

Kɛ ken kpow niaa tosallo, le diola nilan, kani a sinà vana vem ya-o le.

Nsaŋ 15:22

Te yáà hin mí yáà soaa o nda lo le, ndáà nɔnin haki le. Kɛ nihau, a sɔla lɛnin malɔɔ lahakio le haki ndaa le.

Nsaŋ 15:23

Vana nɔ pɛ nɛyɔn nuu, mɛɛ o nɔ vɛlɛ nɛyɔn Fuɲa nuu.

Nsaŋ 16:9

A dɛnɛ hakio o kɔɔ, kani a laalan ya le.