Nsaŋ 15:20 - BII BILA

²⁰ La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Nsaŋ 15:20 Referans Kwoze

2Timote 3:12

Síná pɛɛngu maa vanaa-vanaa yeema le lou o diomnden coo a yiinannda a Krista, ó co Yeesu-o, vanaa kan a sɔlanin yɛle tolaalen.

Nsaŋ 13:16

Mì dimul niaa toɲaa, vana baalaa ve fisa a vana ndɔ bɛndoo le, vana nda vem-ndo ve fisa a vana vem ndu-o le.

Matie 10:24

«Kaandennɔɔ hiw vana ndɔ pɛɛkaa le. Cɛɔ bɛɛ hiw vana ndɔ bɛndoo le.

Esekiɛl 3:7

Kɛ cuavaa Israɛlla nda yeemanin le naa nilan yaŋɔɔ o sɔɛi nɔmnde le, kani a yeema le ya pila nilan yaŋɔɔ le, bau cuavaa Israɛlla kpede, vanaa bolii kalaa a vanaa bii isɔɔ le-a nda co ni.

2Korɛntea 4:9

A co naa yɛlen tollo, kɛ Hala co naa malɔɔ le. A co naa kpuviaa, kɛ a co naa diw le.

1Korɛntea 4:12

N co lalle kiolɔɔ o baalaa nin. A co naa yeowlan, mì n va duaa dɔvɔɔ. A co naa yɛlen tollo, mì n va biwnɔnndo.

Nsaŋ 8:51

I co niaa toɲaa dimul kpendekele, vana bii pɛ sɔɔn nun, ndu vi le.»

Luke 6:40

Kaandennɔɔ hiw vana ndɔ bɛndoo le, kɛ kaandennɔ oo kaandennɔ pɛɛku pɛ, ndu tiwba mò va maa vana ndɔ bɛndoo.

1Tesalonikea 2:15

Vanaa kan diw Maalii Yeesu a vanaa-tɛɛngaa-diom Hala-a ni, má tol vɛlɛ naa yɛlen. A hɛnan Hala le, yaamɔaa vannda kpow nda co vɛlɛ ni.

Nsaŋ 10:31

Mí Yuifia cɔwviaa vɛlɛ powtan le ndu viiyo.

Nsaŋ 11:57

Nduyɛ, bolii vanaa-solia-lasálàá a Faliisia ndáà dimúl nin vannda maa vana-vana sina pɛ nɛɛ o co-a, vana kon cɔɔmuu ndu, haliko ma kɔ bii ndu.

Nsaŋ 8:59

O kon, má cua powtan le ndu viiyo. Kɛ mí Yeesu viannun, mó fula o Cɛi-Hala-o nin.

Nsaŋ 7:32

Faliisia tueyɔɔ ɲɛ vannda va dimio a ndu o kɔɔ-o, mí bolii vanaa-solia-lasálàá a Faliisia viam kpalilla le ndu kɔlan biyɔɔ.

Nsaŋ 5:16

Cɔn o telen kon, mí Yuifia toal Yeesu kɔɔli le tùú o va dɛnnda lan tosaa o paale pɛngiaalen coo-o.

Luke 2:34

Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,

1Samiɛl 8:7

Mí Mɛlɛka mulul Samiɛl aa: «Ɲɛ-ɲɛ Israɛlla ɲuna pɛ nɔm, yaŋ nda nilan, ma cɛl nda diom. Sina pɛngu maa o co nɔm te nda kɛɛ le, ya pila nda kɛɛ nuaa ni. A yeema lɛ mì va masa nda coo le.

Nsaŋ 8:52

Mí Yuifia dimul ndu aa: «N sina nihau maa ɲina vɔɔndo co nɔm nin ni. Abraham vi, vanaa-tɛɛngaa-diom Hala-a bɛɛ co hau ciee-piɔ́m, nɔm hin naa dimullo maa vana bii pɛ sɔɔn nɔmndon, o vinin te.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Marke 10:39

Má mulul ndu aa: «N nɔla.» Mí Yeesu mulul nda aa: «Ì co toɲa maa la kolnin a taala kólaa ya kolnin-ndo, mì la nɔla yinɔɔ ya sɔlanin-ndo sɔlaa.