Nsaŋ 15:2 - BII BILA

² Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Nsaŋ 15:2 Referans Kwoze

Matie 3:10

Cuei cuu nin cɛɛŋa le puundun yɔmnde kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.

Matie 15:13

Mó muli aa: «Yɔm oo yɔm Fuɲa ni co o halataala-o tol te, ndu sungunnin.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Nsaŋ 15:8

La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo.

Matie 13:12

Kani vana nɔnin o ba-o sɔlanin cɔɔloo mo kui ndu o ba taw. Kɛ vana nɔ o ba loo ndu, hali o pɔmbɔ co ndu o ba-o hialunnin ndu.

Matie 3:12

Fɛlɛ ndɔ hɛyaa co ndu o ba, o bɛɛsuunin kpele lɔaa n'mal ndɔɔ, mò vow malun ndɔn o konda, mò lom tɛ́fɛ́lan o yinnde ɲum te len nin.»

Matie 21:19

Mó ca voosu tumndo o nɛiyo lekɔɔ, mó sɔɔnguu, kɛ o komal ɲɛ-ɲɛ lecoo le, fɔ pei daama. O kon mó dimul ndu aa: «Nɔm a kum-ndɛ fɛɛn a fɛɛn te!» Fɔ́ɔ́fɔ̀, mí voosu kon vesa.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Luke 8:13

N deli o powtan coo-on yɛ, mun co vanaa tuɛi sɔɛi Hala-e, má cɛl ndi a ɲaaloo-a ni, kɛ a nɔ n'puundu le, le telen bingi kínɛí nda laalan ni, kɛ te tɔɔndanndo komal nda pɛ, a mal.

Malasi 3:3

O calnin mɛɛ vana teengiaa volion le mun dindio-o cal-lɛ, mò dindi poaa Levii-a. O dindinin nda mɛ̀ɛ́-mɛ̀ɛ́ vana dindi sianion a volin humbon nuaa yɛ. O kon, mà va Mɛlɛka sálàlan solullo mɛɛ o kelun o tɔŋndo nin yɛ.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

1Korɛntea 13:1

I soo bɛɛ o sɔɔn mangalan vanndacieea a o sɔɔn mɛlɛkaa nin, te kaolaa co ya o kɔl te, mɛɛ i siŋnun maa diom ibamba, te kon te maa diom kɛ́ŋii comulaa.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Nsaŋ 17:12

Telen ya va latulu a nda-o, i va vanaa n ke ya-a mandaa o diola nɔmndan. Mí handu nda hɔlten coo, o pilɛ bɛɛ laasian te, fɔ o sɔɛi ndɔɛi ndíì sɛvan maa o co laasian-ndo, haliko mi sɔɛi ndíì sɛvan ken-nde ndíì peelun.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Matie 13:33

Mí Yeesu dimul nda vɛlɛ tale celen aa: «Masale halataala len le co ko vɛlɛ kpen a lɛvɛnndo, o vanalanɔɔ pum cua mó vow o kpeyan kilo leyáá-o nin-ndo. Mí lɛvɛn kon tosa mí kpeyan kon kpow hindu hindɔɔ pila.»

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

Condii lisai 92:14

Le tùú nda co a tɔalaa o Cɛi-Hala-o nin-ndo, a kuinin o Hala naa lo bɛɛ.

Daniɛl 11:35

O vanaa hiow kan kɔlkaloo-a tɛɛn, a pum malnin nɛiyo, kɛ Mɛlɛka tuisinin nda dɛnɛ palaa coo haliko ma tɔɔnun, ma dendu, mà muungu a kɛndɛ háá o telen kon mɛɛlulan, kani telen kelun-ndo tiiya vɔnin te.

Matie 7:19

Yɔm oo yɔm kum kulun kɛndɛ le, a kelu ndu, a viow ndu o yin.

Matie 25:29

Kani vana nɔ ɲɛ o ba-o, a cɔɔlunnin ndu yɔngu, mì ɲɔɔn kui ndu o ba. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba.

Marke 4:20

Kulun deli o lɛŋnde kɛndɛlen-ndon, mun co vanaa tuɛi sɔɛi Hala-e, má bii ndi, mí i koam-nda ni: mí n pum koam beleyaa, n pum belaŋɔmpum, n pum kɛmɛ.»

Nsaŋ 15:1

Mí Yeesu dimi aa: «Ya co rɛsɛn tumndo ni, Fuɲa nuu co vana nakɔɔ ni.

Nsaŋ 15:3

Niaa la cuu nin diondɔɔ a sɔɛi ya dimul niaa-e.

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Rɔmnda 11:22

Lelan tofa vɔ vanakɛndɛyɛi Hala-e a dɛnɛ ndɔ kindiaa: o kindi dɛnɔɔ le vanaa del-la, nduyɛ vanakɛndɛyɛi ndɔɛi co le nɔm, taa lo pɛ o vana kɛndɛi nin, te kon te, nɔm bɛɛ a sɔlanin kiolɔɔ.