Nsaŋ 15:18 - BII BILA

¹⁸ «Te ceendo kɛɛ niaa pɛ, la sínà maa ya fɔlɔn o kɛɛ ni.

Nsaŋ 15:18 Referans Kwoze

1Nsaŋ 3:13

Puapilɛa nia, te ceendo nɔ pɛ nɛyɔn niaa, la dɔawnun kɔndɔfili le.

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Nsaŋ 3:20

Kani vana-vana va pɛ dɛnɛ vɔɔndo tosaa, nɛyɔn ɲɛ-tengaa va ndu ni, o fula o ɲɛ-tengaa le, yɔŋii dɛnnda vɔɔnnda o co coo lan la fula ceen.

Marke 13:13

Vannda kpow a kɛɛnin niaa le diola nilan, kɛ vana lonin biuvɔnndo háá o mɛɛlulan-ndo, ndu sɔlanin cindaa.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

Matie 5:11

Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Matie 24:9

A tuisinin dɛnɛ palaa súú-súù ka niaa coo, mà diw niaa, mì vanaa-mangalaa-isɔɔa kpow a pɛɛsa niaa le diola nilan.

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Talelan 29:27

Vanaa sendu le-a nɛinun vanaa sandaa, mì kela vanaa sandaa bɛɛ nɛinun kela vanaa sendu le-a.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Nsaŋ 16:1

Mí Yeesu hiaw laci a nda dimullo aa: «Mun kpow niaa dimullo, haliko la mal nɛiyo le.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»