Nsaŋ 15:14 - BII BILA

¹⁴ Te la tosa pɛ o ya co niaa dimul-lo, mɛɛ caaŋaa nia niaa co ni.

Nsaŋ 15:14 Referans Kwoze

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

1Nsaŋ 5:3

Kani Hala kaolaa co sɔɔn ndɔn biyɔɔ ni. Nduyɛ tɔŋnda ndɔlan la lusul te,

Nsaki 2:23

Nuaa o sɛvan-ndo peelun ni aa: «Abraham laalan Hala, mí kon cɔmnun ndu coo maa dɛnɛ sandaa, má veelu ndu aa caangoo Hala.»

Nsaŋ 14:21

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Luke 12:4

Mì dimul niaa, niaa caaŋaa nia, la vo vanaa dii diallon, o kon kɔɔli a nɔla lɛ ɲɛ-ɲɛ tosa le-a le.

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Esai 41:8

«Le nɔm Israɛl-lɛ, nɔm Yakɔb ya hɛli-o, nɔm polale Abraham ya kaola len.

Nsaŋ 2:5

Mí kala ndɔ dimul buɛiya aa: «Mɛ̀ɛ́-mɛ̀ɛ́ o dimul niaa pɛ, la tosa lende.»

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

2Dɛnnda lemasalan 20:7

Éé Hala naa! Vɛ̀ɛ̀ o co nɔm te tow vanaa va o lɛŋnden nden nin-nda vanaa nɔmnda, Israɛlla laci, má ke cuavaa-imamaa Abraham caan nɔm-nda lɛŋnde kalalen, mì le va ɲɛ nda pɛ le?

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Talelan 18:24

Vanndo nɔ pɛ canyan sɛ́lɛ́, canyan mun tiwba mì n tuisi dɛnɛ palaa ndu coo. Kɛ caan kpeekpeiyo pum hiow lo lediom coo a bɛndoo, te kon te pɔmbɔɔ.

Fulaa 7:6

Mí Moise nda Aarɔn a tosa mɛɛ Mɛlɛka dimul nda yɛ.

Ruti 3:6

Mí Ruti kɔa o kpele lɔaa n'mal Boas-o, mó kɔ tosa mɛɛ kala-lɛɛ ndɔ congun ndu yɛ kpafii.

1Masaa 4:5

Asaria, po Natan-ndo va bolle masaa n'bungaa ni, Sabud po Natan-ndo va vana-solia-lasálàá pilɛ, o va vɛlɛ caaŋoo masaa.

2Masaa 18:6

Mó yiinun a Mɛlɛka. O feŋan ndu o ibuŋ te few. Mó bii silala Mɛlɛka ndóò sɛval Moise lan.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Esekiɛl 12:7

Mí tosa ɲɛ dimulun ya le tosaa-o, mí soli volɔɔla nilan ipala déŋ maa volɔɔla vana co kɔlan o biyɔɔ nin-ndo. Icɔllo, mí buli tɛɛngei o kpakio a ba, mí fula o ɲumma bɛnduan nin, mí handun volɔɔla nilan o congú nda o hɔl kpendekele.