Nsaŋ 15:10 - BII BILA

¹⁰ Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Nsaŋ 15:10 Referans Kwoze

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

1Nsaŋ 5:3

Kani Hala kaolaa co sɔɔn ndɔn biyɔɔ ni. Nduyɛ tɔŋnda ndɔlan la lusul te,

1Nsaŋ 2:5

Kɛ vana bii pɛ sɔɛi ndɔɛi, mɛɛ kaola Hala-o kpeekpei co vana kon o kɔl ni. O kon naa n sínà ni maa n co o ndu nin.

2Piɛr 2:21

Ɲɛ ndóò va fisa le nda-o co ni, hali mì ndáà sina nɛi dɛnɛ sandaa le, a ndu sinaa tɛ́ɛ́ ma muungu ma mulul tɔŋ diandaa ndóò tiiyalan nda-o kɔɔ.

Nsaŋ 8:29

Vana vem ya-o co ya ikɛi, o mel-la ya pilɛ kpé le, kani ɲɛ hɛnan ndu-o ya co tosaa lɔ́ɔ́-lɔ́ɔ̀ ni.»

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Nsaŋ 17:4

I biilu nɔm o lɛŋnden coo, mí i cii vali n ke ya le tosaa-o tosa.

Nsaŋ 14:31

Kɛ haliko mi ceendo sina maa i kaola Pua, maa mɛɛ Pua dimul-la yɛ ya co dɛnndan tosaa ni. La cɔn mì n faŋan nanu!»

Nsaŋ 12:49

Kani o co ya pila o ba le sɔɔn nun co fulaa le. Kɛ Pua vem ya-o, ndu pila dimul-la sɔɔn ya bɛnda le dimio-on a mɛɛ ya bɛnda le mun dimio yɛ ni.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Nsaŋ 14:21

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

1Korɛntea 7:19

Vana dii tooma, vana dii tooma le, kon co ɲɛ-ɲɛ le, tɔŋnda Hala lan biyɔɔ co bollen ni.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Esai 50:5

Mí Maalii Hala kumbi ya nilan, i simul ndu le, i poondan mì miinun a makɔɔ le.

Nsaŋ 8:55

Kɛ la sina ndu le. Ya yɛ, i sina ndu. Te i dimi pɛ maa i sina ndu le, i siŋnun ɲɛ pilɔɔ naa niaa, vana lacòòvaa pɛɛn. Kɛ i sina ndu, i co sɔɛi ndɔɛi biyɔɔ.

Nsaŋ 10:18

Vana-vana hélú ndu ya o ba le, kɛ ya pila yɔngu ni. I nɔ dí ya yɔ́ngù ndu-o, i nɔ vɛlɛ di ya mingin ndu o ba-o. Lende Fuɲa nuu dimul-la ni.»

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

1Nsaŋ 2:3

Te n bii pɛ tɔŋnda Hala lan, n nɔla mì n laalan maa n sínà Hala.

1Nsaŋ 2:6

Vana dimi pɛ maa o co o Hala nin, ndu bɛnda mò kela maa Yeesu.

Fulaa 7:6

Mí Moise nda Aarɔn a tosa mɛɛ Mɛlɛka dimul nda yɛ.

2Samiɛl 22:22

Kani i co keelaa o nɛila ndu Mɛlɛka lan coo, i tosa dɛnɛ vɔɔn mì kɔɛ Hala nuu levil te.

2Masaa 18:6

Mó yiinun a Mɛlɛka. O feŋan ndu o ibuŋ te few. Mó bii silala Mɛlɛka ndóò sɛval Moise lan.