Nsaŋ 15:1 - BII BILA

¹ Mí Yeesu dimi aa: «Ya co rɛsɛn tumndo ni, Fuɲa nuu co vana nakɔɔ ni.

Nsaŋ 15:1 Referans Kwoze

Yeremi 2:21

Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?

1Korɛntea 3:9

Kani vanaa co baalaa latulu a Hala-a naa n co ni. Niaa co ciɛi ndɔɛi ni.

Esai 60:21

Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

Nsaŋ 6:55

Kani balo kpeekpeiyo dialun nun co ni, ɲɛ kolaa kpeekpeiyo kooma nian ma co ni.

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

1Nsaŋ 2:8

Kɛ nduyɛ, tɔŋ sɛnɛiyo ya co niaa sɛvallo ni. Ken i co toɲa le ndu a le niaa, kani ɲumndan ma co hiovɔɔ mì ɲɛ-tengaa kpeekpeiyo va nihau tengaa.

Marke 12:1

O kon mí Yeesu kandu sɔɛi o nda lo o taloo nin, mó dimi aa: «Langbanɔɔ pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Matie 21:33

«La yaŋ vɛlɛ nilan o tale celen. Simlaci yungoo pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Osee 10:1

«Israɛlla va maa nakɔ n'rɛsɛn koam taw-vo, a va kuiyo taw-taw. Kɛ mɛɛ nda va kɔlan a kuiyo faw, lende koni nda va fondala-loamaa-lasálàlan vangalaa ni. Mɛɛ lɛŋnde ndalen le va naŋɔɔ yɛ, lende koni nda va powta sálàlan baŋɔɔ ni.

Nsaŋ 6:32

Mí Yeesu mulul nda aa: «I co niaa toɲaa dimul kpendekele, o co Moise le ke niaa ɲɛdiaa fula o halataala-o le, kɛ Fuɲa nuu ke niaa ɲɛdiaa kpeekpei fula o halataala-o ni.

Luke 13:6

O kon kɔɔli, mí Yeesu dimul nda vɛlɛ sandaa ho aa: «Vanndo pum ndóò nɔ voosu tumndo o tɔalaa o nakɔ ndɔ n'rɛsɛnndo nin. Mó hun vooson nuwviaa, kɛ o komal ɲɛ-ɲɛ le coo le.

Matie 20:1

«Masale halataala len le velan a dɛnɛ vana bɛndu cɛiyo pum, o fula idiiyo púŋ le vanvalla yɔɔ o nakɔ n'rɛsɛn ndɔɔ nin-ndo.

Condii kɛndɛ-kɛndɛi 7:12

Hun n kɔ, nɔm vanapɔnɔ ya kaola hoo-o, n fula mì n kɔɛ yondoo nin, n kɔ mì n kɔ va lɔan o sɔndɔkɔltan.

Sakari 3:8

‹Lelan nɔm Yosue co bolle vanaa-solia-lasálàá-o a caaŋaa nɔmaa niaa co baala pilɔɔ tosaa ya o hɔl-la, la yaŋ nilan! Bau vanaa co tɔɔmasele levundoo-a niaa co ni. Kani la tofa vɔ, i co vana baala nuu cuu, vana ni baala nɔ diolan aa Vulɔɔ-o.

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Esekiɛl 19:10

Maa rɛsɛn tum tɔlnun o mɛnndan kɔngɔ-o kala nɔm vannun ni. O va kɔmnden a puiyo taw-taw le tùú mɛnndan ma vannun ndon taw-vo.

Matie 15:13

Mó muli aa: «Yɔm oo yɔm Fuɲa ni co o halataala-o tol te, ndu sungunnin.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,