Nsaŋ 14:7 - BII BILA

⁷ Te la sina ya pɛ, mɛɛ la sinanin vɛlɛ Fuɲa nuu. Nduyɛ sunsun, la sinà ndu, la ce ndu.»

Nsaŋ 14:7 Referans Kwoze

Nsaŋ 8:19

O kon má dimul ndu aa: «Kuɛɛ Fuɲa nɔm co yɛ?» Mí Yeesu muli aa: «La sina ya le, la sina vɛlɛ Fuɲa nuu le. Te niáà sina ya pɛ, la va Fuɲa nuu sina.»

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.

1Nsaŋ 2:13

Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔla Vana Vɔɔndo.

Nsaŋ 17:26

I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Nsaŋ 16:3

A tosanin ken le tùú nda kɛɛ ya a Pua sinaa-o.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Nsaŋ 6:46

Ken co dimi le maa vana pum ce nin Pua, vana fula o Hala lo-o kínɛí ce Pua ni.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.