Nsaŋ 14:3 - BII BILA

³ Lelan, te i kɔɛ pɛ mì kɔ bɛɛndial niaa fondaa, i muungunin, mì hun kɔ a niaa, haliko mi niaa bɛɛ la kɔ va nɛɛ ya co-a.

Nsaŋ 14:3 Referans Kwoze

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

Dɛnnda kiilaa 1:11

má dimul nda aa: «Niaa Kalilea ha, le yɛɛ nɛ niaa co yɛ tofaa o halataala? Yeesu faŋan hoo niaa ikɛi, mó hel o halataala-o hunnin vɛlɛ mɛɛ niaa ce ndu kɔlan o halataala nuaa yɛ.»

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Rɔmnda 8:17

Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

2Tesalonikea 1:12

O kon mì diola Maalii naa Yeesu lan la sɔla biiloo o niaa nin, mì niaa bɛɛ sɔla biiloo o ndu nin mɛɛ kɛndɛi Hala naa a Maalii Yeesu Krista-e co yɛ.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Filipea 1:23

O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,

Nsaŋ 14:4

La sinà nɛiyo le kɔlan nɛɛ ya co kɔlan-nda.»