Nsaŋ 14:26 - BII BILA

²⁶ Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Nsaŋ 14:26 Referans Kwoze

Nsaŋ 15:26

Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ,

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o:

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

1Nsaŋ 2:20

Niaa niaa, la cii Kɔl-Diandaa sɔla fulaa Krista o ba, niaa kpow la sínà toɲaa.

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Dɛnnda kiilaa 2:4

Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Nsaŋ 2:22

Mɛɛ o tendu fulaa vanvílɛ́iya tɛɛn, mó muungu yoomu, mí kaandeŋaa ndɔa loonun maa ndóò dimi lende. Má laalan sɔɛi sɛbɛ Hala-o dimi-e a sɔɛi Yeesu ndóò dimul nda-e.

Esai 54:13

Poaa nɔmnda kpow delnin ya Mɛlɛka kɔɔli, nduyɛ kɔlɲulu cuavaa nɔmnda vanin o bɔɔ!

Dɛnnda kiilaa 13:2

Paale pilɛ, a va Mɛlɛka biiloo ma va o sumndo nin, mí Hala Kɔl-Diandaa dimul nda aa: «La kɛsul-la Barnabas nda Sol landɔ le baalaa tosaa, o ya hɛli nda-o. »

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

1Nsaŋ 5:7

Seiya nda yáá co seilen tɛndaa ni:

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

Luke 24:49

Ya ya, i yɔŋnin niaa o Fuɲa nuu dimi-o, kɛ la lo ciee nanu háá mì Kpaayaa fula o halataala, mò tol niaa coo.»

Yude 1:20

Kɛ niaa caaŋaa nia hɛnan ya-a, la hiow laci a simndan yili o laalan niaa diandaa nin, la piɛi a kpaaya Hala Kɔl-Diandaa.

Hebreea 9:8

Mí Hala Kɔl-Diandaa cɔm o kon maa te fonda tase cɛi-kola kon co vɔ pɛ, mɛɛ nɛi kɔɛ o fonda diandaa-diandaa-o co vɔ o kumbiaa le.

Hebreea 3:7

Lelan maa mɛɛ Kɔl-Diandaa dimi yɛ aa: «Te la tuei pɛ hau diom Hala-o,

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

1Korɛntea 12:3

Lelan i yeema mì cɔm niaa maa vana-vana Kɔl Hala-o co pɛ nin, o dimi le aa: «Màá Yeesu dɔwnun danga!» Lende koni, vana-vana tiwba mò dimi le aa: «Yeesu, Maalii o co ni», te Kɔl-Diandaa co ndu nin te.

2Piɛr 1:21

kani o co a yiyan ivanacieeya le vanaa-tɛɛngaa-diom Hala-a dimi sɔɔn nda dimi-on te, kɛ o kpaaya Kɔl-Diandaa bɛngu vanndacieea tɛɛnguu diomnda Hala lan ni.

Luke 11:13

Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»

Condii lisai 51:11

Faŋa hɔlla o hakila nilan. Vɔɔsuu yɔŋnda nila vɔɔnndan kpow.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Luke 1:41

Lɔ́ɔ́ Elisabɛt tuei yilɔɔ Mari-o-o, mí cɛlɛkpɔɔ biiŋun ndu o dembe. O kon mó pia a Hala Kɔl-Diandaa,

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Hebreea 2:4

Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

2Timote 1:14

Manda ɲɛ kɛndɛ yɔngun nɔm le mandaa-o, Kɔl-Diandaa co naa nin-ndo co nɔm mala mì manda ndu.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Dɛnnda kiilaa 11:16

O kon, mí yiyan dɔ́ɔ́ a sɔɛi Maalii dimi-e aa: ‹O mɛnndan nin Nsaŋ ndu yin ni, kɛ niaa niaa, la sɔlanin yinɔɔ a Hala Kɔl-Diandaa.›

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Nsaŋ 20:22

Mɛɛ o cii sɔɔn mun dimi, mó hul nda, mó dimi aa: «La sɔla Hala Kɔl-Diandaa.

Nsaŋ 6:45

O co o sɛvaa o sɛbɛla vanaa-tɛɛngaa-diom Hala-a nin aa: ‹Nda kpow a sɔlanin pɛɛkoo fulaa Hala o ba.› Vana-vana tuei pɛ Pua diom, mò cɛl pɛɛku ndɔɔ, ndu hin o ya lo.

Marke 13:11

Telen nda kɔanin a niaa o cɛila kialaa n'yamalan nin-ndo, la buulan le ɲɛ niaa kɔ diminin-ndo le, kɛ la diminin ɲɛ Hala Kɔl-Diandaa cɔmnin niaa-o, o co niaa pila le soaanin te.

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

Hebreea 10:15

Ken Hala Kɔl-Diandaa bɛɛ dimi ni aa:

Nsaŋ 12:16

Kaandeŋaa ndɔa ndáà bii sɔɛi ken bila o foofo kon te. Kɛ mɛɛ Yeesu luɛi o biilu ndɔɔ nin, má loonun dɔ́ɔ́ maa le ndu sɔɔn mun mún sɛvan ni, nduyɛ mí n peelun lende.

Marke 12:36

Kani David pila dimi o kpaaya Kɔl-Diandaa bɛngu aa: ‹Mɛlɛka dimul Maalii nuu aa: Cal-la o ba kɛndɔɔ coo, háá mì luei yaamɔaa nɔmnda nɔm o pelon bɛngu.›

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

2Korɛntea 6:6

N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Dɛnnda kiilaa 15:8

Hala, o sinà yiyannda vanndacieea-o cɔm maa o cɛl nda le tùú o ke nda Hala Kɔl-Diandaa maa naa-o.

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Dɛnnda kiilaa 1:4

Paale pilɛ, o va ɲɛdiaa dioo nda ndaa, mó dimul nda aa: «La fáŋàn Yerusalɛm te, la cum ɲɛ Fuɲa nuu dimi le niaa yɔngoo-o. Ɲɛ yáà dimul niaa sɔɛi ndɔɛi-yo pɛɛn.

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Luke 3:22

mí Hala Kɔl-Diandaa toal ndu coo maa kangbo. Mí diomndo fula o halataala aa: «Po ni ya kaola taw-vo n co ni, a hɛnan ya.»

Luke 1:67

Mí Hala Kɔl-Diandaa pia Sakari fuɲa ndɔ nin, mó va sɔɔn siɔdii lacion dimio aa:

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Esai 63:10

Kɛ má yɔŋnun vanaa nila kalua, má del kasi a kɔl diandaa ndɔɔ, mí ndu bɛɛ siŋnun yaamɔɔ ndaa, mí ndu pila cɔlɔba nda.

Dɛnnda kiilaa 28:25

Má sɛyan a sɛɛngianndan, mí Pol dimul nda aa: «Toɲaa mí Hala Kɔl-Diandaa soaa a sondo Esai, vana-tɛɛngaa-diom Hala-o,

Dɛnnda kiilaa 16:6

Telen nda va keiyo Frisii a o lɛŋnde Kalasii len nin-ndo, mí Hala Kɔl-Diandaa kuuna nda sɔɛi Hala-e dimio.

Dɛnnda kiilaa 15:28

Kani Hala Kɔl-Diandaa a naa pilaa bɛnda mì n handu niaa sangala celen coo, faŋanndo o sɔɔn n co niaa mun kuee kangalan-ndon coo le:

Dɛnnda kiilaa 13:4

Mí Hala Kɔl-Diandaa viam Barnabas nda Sol, má kɔa Selesii, má can ndon, má luɛi o dɛ̀ndɔ̀ɔ́ nin, má kɔa Siipre.

Dɛnnda kiilaa 7:55

Kɛ Etiɛn va o piaa a Hala Kɔl-Diandaa, mó tofa halataalaa, mó ca biilu Hala-o, Yeesu va isisi Hala o ba kɛndɔɔ coo.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Luke 2:25

Nduyɛ fallo pum va Yerusalɛm, diolan Simeɔn, vana sandaa a vana óò lo o lediom coo a Hala-o o va ni, o va vana óò ciindiaanin Israɛlla-o cumndo. Hala Kɔl-Diandaa va ndu coo.

Matie 1:18

Tofa vɔ mɛɛ dɛnɛ violɔn Yeesu Krista-o yɔŋnun yɛ. Yosɛf ndóò fula Mari kala ndɔ kɔɔli le ndu cuaa o nɔ̀u nin ni, kɛ lɔ́ɔ́ pá mí Yosɛf sina ndu vanalanɔ, mó cua folio a kpaaya Hala Kɔl-Diandaa.

Nsaŋ 1:33

Yáà sina ndu le, kɛ vana vem ya yinɔɔ o mɛnndan nin-ndo dimul-la ni aa: ‹Vana n canin Kɔl Hala-o tolɔɔ coo mò cal-lo, ndu yinnin a Kɔl-Diandaa ni.›

Nsaŋ 14:25

Le mɛɛ ya co vɔ niaa ikɛi yɛ ya co niaa hee dimullo ni.