Nsaŋ 14:23 - BII BILA

²³ Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Nsaŋ 14:23 Referans Kwoze

Nsaŋ 14:21

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

1Nsaŋ 2:24

Lelan sɔɛi niaa tuei kabi o tasendɔ-e, ndi bɛnda mì i lo niaa o lakɔl. Te o va pɛ mì sɔɛi niaa tuei kabi o tasendɔ-e lo niaa o lakɔl, mɛɛ niaa bɛɛ la vanin yoomu o Poo a o Fuɲaa nin.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Condii lisai 91:1

Vana kila pɛ caltan o vunduma Ó-Hiow-Ɲɔɔn-Kpow-vo-an bɛngu, mɛɛ ndu sɔlanin pɛngio o vunduma Vana-Kpaayaa-Kpow bɛngu.

Nsaŋ 10:30

Naa Pua, ɲɔɔ ndu pilɛ kpé naa n co ni.»

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Nsaŋ 6:56

Vana de pɛ dialun nun mò kol kooma nian, ndu co ya nin, mì ya i va ndu nin.

Nsaŋ 14:17

ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

O Kandɔɔ 1:26

Mí Hala dimi aa: «N cɔwnun vanacieo a velan naa, mò vel naa, mì vanaciee kon va vana bɛndoo suvaa co o mɛnndan nin-nda, yovaa co coocoo-a, visia cieeninnda, visia co o lɛŋnden coo-a kpow a visia pɔmbɔa kela lɛŋ-nda coo.»

Dɛnnda cɔɔmuanndan 21:22

I ci Cɛi-Hala o kobi kalaa nin te, kani Mɛlɛka Hala nɔ kpaayaa kpow-vo a Saa téndóó va Cɛi-Hala ndɔɔ ni.

O Kandɔɔ 11:7

Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

Dɛnnda cɔɔmuanndan 22:3

Danga ve lɛnin te. Kpɛŋɛ lemasa Hala-o nda Saa téndóó vanin o kobio nin. Vanaa ndɔa baalaa biilunin ndu.

Condii lisai 90:1

Piɛile Moise, vana Hala-o. Éé Mɛlɛka! Kabi paandu, nɔm yɔŋnun nɛɛ viannannda le naa ni.

Nsaŋ 8:51

I co niaa toɲaa dimul kpendekele, vana bii pɛ sɔɔn nun, ndu vi le.»

Nsaŋ 8:52

Mí Yuifia dimul ndu aa: «N sina nihau maa ɲina vɔɔndo co nɔm nin ni. Abraham vi, vanaa-tɛɛngaa-diom Hala-a bɛɛ co hau ciee-piɔ́m, nɔm hin naa dimullo maa vana bii pɛ sɔɔn nɔmndon, o vinin te.

Nsaŋ 14:24

Vana kaola ya le, ndu bii sɔɔn nun te. O co o ya pila nin te sɔɛi niaa co hee ya tueyɔɔ dimio-e co fulaa le, kɛ Pua vem ya-o o ba i co fulaa ni.

Nsaŋ 15:10

Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Nsaŋ 16:27

kani Pua pila kaola niaa le kaola niaa kaola ya, mí la laalan maa o Pua lo ya fula ni-o.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

1Nsaŋ 2:5

Kɛ vana bii pɛ sɔɛi ndɔɛi, mɛɛ kaola Hala-o kpeekpei co vana kon o kɔl ni. O kon naa n sínà ni maa n co o ndu nin.

1Nsaŋ 5:3

Kani Hala kaolaa co sɔɔn ndɔn biyɔɔ ni. Nduyɛ tɔŋnda ndɔlan la lusul te,

2Nsaŋ 1:6

Kaolaa co yɛ ɲɛ celen te, kelaa o tɔŋnda Hala lan coo. Tɔŋ niaa bɛnda le kelaa coo-o co kon ni, maa mɛɛ niaa tuei ndi kabi o tasendɔ yɛ.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.