Nsaŋ 14:17 - BII BILA

¹⁷ ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

Nsaŋ 14:17 Referans Kwoze

Esekiɛl 36:27

I lueinin kɔl nuu niaa nin, mì tosa háá mì la bii silala nilan, mì la bii pɛɛkula nilan, mì la kela lecoo.

Nsaŋ 16:13

Telen Kɔl toɲaa hunnin-ndo, o cɔmnin niaa dɛnndan kpow o toɲaa nin, kani sɔɔn o diminin-ndon fulanin o ndu pila nin te, kɛ o dimulnin niaa sɔɔn o tuɛinin-ndon kpede, mò dimul niaa dɛnnda hun tosannin-ndan.

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

Nsaŋ 15:26

Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ,

1Nsaŋ 4:6

Kɛ naa, Hala nɔ naa ni. Nilan vana sínà Hala-o yaŋ naa ni. Vana co le Hala loo, ndu yeŋ naa lani le. O kon naa n sínà hiyan co Kɔl toɲaa a kɔl luei vana o pɔwlan nin-ndo ni.

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

1Korɛntea 2:14

Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

2Timote 1:14

Manda ɲɛ kɛndɛ yɔngun nɔm le mandaa-o, Kɔl-Diandaa co naa nin-ndo co nɔm mala mì manda ndu.

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o:

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

1Nsaŋ 3:24

Vana bii pɛ tɔŋnda ndɔlan, mɛɛ ndu co o Hala nin, mì Hala va ndu nin. O kon naa n sínà ni maa Hala co naa nin, Kɔl-Diandaa o ke naa-o cɔm naa ken ni.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Kalatea 4:6

Le mɛɛ niaa co cuavaa vialaa yɛ Hala luei Kɔl Po ndɔɔ naa o lakɔl ni, ndu co naa vomɔɔ Hala veeloo ni aa: «Pua!»

2Korɛntea 13:5

Niaa pila yaasiaa vɔ kɔlta niaalan ɲɛkɛndɛi, le sinaa te la nɔ pɛ laalanndo. Niaa pila solin kɔlɔ. Vɛ̀ɛ̀ la co sínà le maa Yeesu Krista co niaa nin? Te la cee kɔlɔ solin te, fɔ le kon.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 2:22

Niaa bɛɛ, la co a tangulaa latulu le siŋnɔnndo fonda calaa, nɛɛ Hala càl o Kɔl-Diandaa ndɔɔ nin-nda.

Matie 10:20

Kani o venin niaa le soaanin te, Kɔl Fuɲa niaa-o soaanin niaa nin ni.

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Talelan 14:10

Mɔnɛi co vanndo o kɔl-le, ndu pilɛ kpé sina ndi ni. Ndu pilɛ kpé sina vɛlɛ kɔlkɛndɛ co ndu o kɔl-lo ni, vana celen nɔla dɛnnda lan sinanndo maa ndu pila le.

1Nsaŋ 5:7

Seiya nda yáá co seilen tɛndaa ni:

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

1Korɛntea 14:15

O kon, yɛɛ nɛ ya tosa yɛ? I vanin Hala piɛiyo o kɔl nin, mì va vɛlɛ piɛilen a kɔlkalu nuu. I vanin condei o kɔl nin, mì va vɛlɛ condei a kɔlkalu nuu.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»