Nsaŋ 14:13 - BII BILA

¹³ Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin.

Nsaŋ 14:13 Referans Kwoze

Nsaŋ 15:7

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

Marke 11:24

Lelan i co niaa dimul, ɲɛ-ɲɛ niaa ɲuna pɛ o piɛilen nin, la laalan maa la cii ndu sɔla, o yɔngunnin niaa.

Matie 21:22

Ɲɛ-ɲɛ niaa piɛi pɛ a laalanndo, la sɔlanin ndu.»

Matie 7:7

«La piɛi, a kenin niaa. La nuwviaa, la saalunnin. La lɔɔ dioo, a kumbilnin niaa.

1Nsaŋ 5:14

Tiindan naa n nɔ o ndu nin-ndo co hoo ni: te n ɲuna ndu pɛ ɲɛ pum, o co hɛnan ndɔɔ-o, o yaŋ naa nilan.

Nsaŋ 16:23

Paale len, la ɲuna lɛnin ya isɔɔ oo isɔɔ le. I co niaa toɲaa dimul kpendekele, ɲɛ niaa piɛinin Pua o diola nilan-ndo, o kenin niaa ndu.

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Nsaŋ 14:14

Te la ɲuna pɛ ɲɛ o diola nilan, i tosanin ndu.»

Nsaki 5:16

Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw.

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Efɛsea 3:12

Le mɛɛ naa n yiinun a Krista mì n laalan ndu yɛ, n nɔla mì n sɔɔnguu Hala ikɛi a kɔlkɛsiaa a á tiindanndo.

Nsaŋ 16:26

Paale len, la piɛinin Pua o diola nilan, i dimi lɛnin maa i co Pua piɛi le niaa le,

Nsaŋ 10:30

Naa Pua, ɲɔɔ ndu pilɛ kpé naa n co ni.»

Efɛsea 2:18

Kani a ndu o kɔɔ naa sɔla sɔɔnguuo vellaa-velle Hala Fuɲaa ikɛi o kɔl pilɔɔ nin ni.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Nsaŋ 7:37

O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 12:44

Mí Yeesu deŋi aa: «Vana laalan ya pɛ, o co ya le o laalan te, kɛ vana vem ya-o.

Luke 11:9

Lelan, ya co niaa dimullo ni maa: «La piɛi, o kon a kenin niaa. La nuwviaa, o kon la saalunnin. La lɔɔ dioo, o kon a kumbilnin niaa.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Efɛsea 3:14

Le hee ya co o vulan coo Hala Fuɲaa o hɔl ni,

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

Nsaŋ 13:31

Yuda fulaa, mí Yeesu dimi aa: «Nihau, biilu Po vanacieo cɔmnun, mì biilu Hala-o va cɔmnɔnndo o ndu nin.

1Korɛntea 14:13

Lelan, vana va pɛ sɔɛi o sɔɛi mangalɛi celen nin, ndu piɛi Hala mò hivul vannda sɔɔn mun.