Nsaŋ 14:12 - BII BILA

¹² I co niaa toɲaa dimul kpendekele, vana laalan ya pɛ, ndu bɛɛ tosanin dɛnnda ya co tosaa lan. O tosanin bɛɛ la hiow lan-ndan, kani ya, i co kɔnndan o Pua lo.

Nsaŋ 14:12 Referans Kwoze

Matie 21:21

Mí Yeesu mulul nda aa: «I co niaa toɲaa dimul, te la nɔ pɛ laalanndo, mì la kiisan te, la tosanin dɛnɛ tosalan hoo a voosu tumndo-o, kɛ la dimulnin vɛlɛ pembei he aa: ‹Sungun ndon mà kɔ del o mɛmma ihɛllan nin›, mì kon tosan.

Marke 16:17

Kaamaala tosannin vanaa laalannin-nda o ba lan la co lan ni: A toawnin ɲinaa vɔɔnda o diola nilan, a soaanin sɔɔn mangalan sɛnɛi n celen,

Dɛnnda kiilaa 16:18

O lo ɲɛ kon tosaa lende háá, mí palɛi bɔɔ-bɔɔ i hiaw. O mɛɛlulan, mí ɲɔɔ pala Pol, mó mulin, mó dimul ɲina kon aa: «O diola Yeesu lan, fula cuaambɔɔ ho nin!» Fɔ́ɔ́fɔ̀, mí ɲina kalaa fula.

Dɛnnda kiilaa 9:34

Mí Piɛr dimul ndu aa: «Enee, Yeesu Krista singi nɔm! Cɔn ma cua vala nɔmndo.» Fɔ́ɔ́fɔ̀, mí Enee can.

Dɛnnda kiilaa 19:12

háá mí vannda a va kɔlan a kolala-ipɛngɛlan, te kon te minsɔlɔla Pol pilian ndan o vanaa lanàá lo, mí vanaa lanàà kan a va siongɔɔ sɔlaa, mí ɲinaa vɔɔnda a va nda fulaa nin.

Dɛnnda kiilaa 9:40

Mí Piɛr soli nda kpow o dio, mó baŋ vulan, mó piɛi Hala. O kon kɔɔli, mó muli hɔlla nɛɛ vana vílɛ́i kon va-a, mó dimi aa: «Tabita, cɔn.» Mí Tabita kumbi hɔltan. Ndóò cɔu Piɛr, mó can, mó cal.

Dɛnnda kiilaa 8:7

Nduyɛ, ɲinaa vɔɔnda va vanaa bɔɔ-bɔɔ fulaa nin a yeelan, mí vanaa falun vílɛ́iya a namtaa taw a sɔla siongɔɔ.

Dɛnnda kiilaa 5:15

Mí vannda kandu hunɔɔ a vanaa lanàá o nɛilan coo, má va nda yɛɛmbuuo o ɲɛla hinialan coo a o valalan coo, o kon te Piɛr ndóò va pɛ hiovɔɔ, vundule ndɔlen léè pilan vana pum o nda tɛɛn.

Dɛnnda kiilaa 2:41

Mí vanaa cɛl sɔɛi Piɛr dimi-e-a sɔla yinɔɔ. Paale len, vanaa handun vanaa laalannda coo-a va le vàálan tan yáá.

Dɛnnda kiilaa 4:4

Kɛ nduyɛ, o vanáà tuei sɔɔn mun-nda tɛɛn, mí vanaa bɔɔ-bɔɔ laalan, mí kunda vanaa laalannda cɔɔlun háá vannda vàálan tan ŋuɛɛnu.

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Nsaŋ 7:33

Mí Yeesu dimi aa: «I co vɔ latulu naa niaa le telen bingi, o kon kɔɔli i muungun o vana vem ya-o lo.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Dɛnnda kiilaa 6:7

O kon, mí sɔɛi Hala-e sɛŋin, mí kaandennda keleŋa kui Yerusalɛm. Mí vanaa-solia-lasálàà bɔɔ-bɔɔ a laalan.

Dɛnnda kiilaa 4:16

Má ɲuunian aa: «Vɛɛ naa n co yɛ yɔŋ a vannda ha? Kani Yerusalɛmnda kpow a sina maa nda tosa dɛnɛ kaamaa hoo ni, n tiwba kon sɛɛngiaa le.

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

Dɛnnda kiilaa 10:46

Kani a va nda tueyɔɔ sɔɛi o sɔɔn celen nin, má va bɔɔbɔɔyɛi Hala-e candɔɔ.

Dɛnnda kiilaa 4:33

Kiilaa va hiovɔɔ laci a seile Maalii Yeesu tendul fulaa vanvílɛ́iya tɛɛn-nden timbio a kpaayaa. Nduyɛ, Hala va nda duaa dɔvɔɔ taw.

Marke 11:13

Ndóò cɔu voosu tum puiyaa lándán, mó kɔ tofa te ndóò saalunnin ɲɛ lecoo. Kɛ ndóò sɔɔnguuo macɛlu, mó ca maa pei daama va lecoo ni, kani o ve telen voosun koam te.

Nsaŋ 4:37

Kani toɲaa sɔɛi taloo dimi-e co ni aa: ‹Hoo co saŋɔɔ, mì o pilɔɔ va kovɔɔ.›

Nsaŋ 5:20

Kani Fuɲaa kaola Poo, o cɔm ndu ɲɛ-ɲɛ o co tosaa, o cɔmnin ndu dɛnnda bɛndula hiow lan-ndan, haliko mi kɔndɔfillo bii niaa.