Nsaŋ 14:11 - BII BILA

¹¹ La làálán ya le tùú ya co dimio maa i co Pua nin, mì Pua va ya nin-ndo. Te kon te, la làálán le dɛnnda ya tosa lan.

Nsaŋ 14:11 Referans Kwoze

Nsaŋ 10:38

Kɛ te i va pɛ dɛnnda lan tosaa, hali mì la laalan ya le, la laalan dɛnnda lan, haliko mi la sina maa Pua co ya nin, mì ya i va Pua nin.»

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Nsaŋ 10:25

Mí Yeesu mulul nda aa: «I dimúl nin niaa ndi, la co laalan te. Dɛnnda ya co tosaa o diola Fuɲa nuu lan la co seilen tɛndaa a ya o kɔɔ.

Nsaŋ 14:10

A laalan maa i co Pua nin, mì Pua va ya nin te? Sɔɔn ya co niaa dimullo-on, o co a ba ni le. Pua co ya nin-ndo co dɛnnda ndɔlan tosaa ni.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Hebreea 2:4

Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

Nsaŋ 10:32

O kon mí Yeesu dimul nda aa: «I tosa dɛnnda kɛndɛkɛndɛla Pua cɔm ya lan taw niaa o hɔl. O dɛnnda lan nin, le dɛnɛ kuɛɛ niaa yeema yɛ le ya viiyo a powtan mì la dii ya?»

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.