Nsaŋ 14:10 - BII BILA

¹⁰ A laalan maa i co Pua nin, mì Pua va ya nin te? Sɔɔn ya co niaa dimullo-on, o co a ba ni le. Pua co ya nin-ndo co dɛnnda ndɔlan tosaa ni.

Nsaŋ 14:10 Referans Kwoze

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Nsaŋ 10:38

Kɛ te i va pɛ dɛnnda lan tosaa, hali mì la laalan ya le, la laalan dɛnnda lan, haliko mi la sina maa Pua co ya nin, mì ya i va Pua nin.»

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Nsaŋ 12:49

Kani o co ya pila o ba le sɔɔn nun co fulaa le. Kɛ Pua vem ya-o, ndu pila dimul-la sɔɔn ya bɛnda le dimio-on a mɛɛ ya bɛnda le mun dimio yɛ ni.

Nsaŋ 10:30

Naa Pua, ɲɔɔ ndu pilɛ kpé naa n co ni.»

Nsaŋ 8:28

O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Nsaŋ 5:17

Kɛ mí Yeesu dimul nda aa: «Haa hau, Fuɲa nuu co hiovɔɔ laci a vallo tosaa, ya bɛɛ i co vallo.»

1Nsaŋ 5:7

Seiya nda yáá co seilen tɛndaa ni:

2Korɛntea 5:19

Kani Hala va o Krista nin, mó mingi diom pilɔɔ ndu a vanndacieea tɛɛn, o cɔm tɛɛmbuula ndalan te. Mó viam naa vali mingiaa diom pilɛ kon tosaa.

Nsaŋ 8:38

Nduyɛ, ɲɛ ya ce o Pua lo-o, ndu ya co niaa dimullo ni. Kɛ sɔɔn niaa tuei o fuɲa niaa lo-on niaa co tosaa ni.»

Kolɔsea 1:19

Kani mí ɲɔɔ hɛnan Hala le vaa o peelanndo o Po ndɔɔ nin,

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Nsaŋ 7:16

Mí Yeesu mulul nda aa: «O co o ya pila nin te ɲɛ ya co vannda pɛɛkoo-o co fulaa le, kɛ vana vem ya-o o ba.

Nsaŋ 8:40

Kɛ mɛɛ niaa cɛn nin nɛilan nuwviaa le ya diyɔɔ nuaa yɛ, ya vana co niaa toɲa ya tuei o Hala lo-o dimullo-o. Abraham tosa dɔ́ɔ́ sɔɛi vaa lende le!

Nsaŋ 11:26

Nduyɛ, vana-vana va pɛ yoomu, mò laalan ya, ndu vinin te. A laalan ken?»

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 14:11

La làálán ya le tùú ya co dimio maa i co Pua nin, mì Pua va ya nin-ndo. Te kon te, la làálán le dɛnnda ya tosa lan.

Nsaŋ 14:24

Vana kaola ya le, ndu bii sɔɔn nun te. O co o ya pila nin te sɔɛi niaa co hee ya tueyɔɔ dimio-e co fulaa le, kɛ Pua vem ya-o o ba i co fulaa ni.