Nsaŋ 14:1 - BII BILA

¹ Mí Yeesu dimul kaandeŋaa ndɔa aa: «Kɔlta niaalan la sanga le, la laalan Hala mì la laalan ya vɛlɛ.

Nsaŋ 14:1 Referans Kwoze

Esai 26:3

Ke vana kɛsi kɔl ndɔɔ nɔm coo-o kɔlɲulu kpeekpeiyo, kani nɔm o tiindan ni.

Nsaŋ 12:44

Mí Yeesu deŋi aa: «Vana laalan ya pɛ, o co ya le o laalan te, kɛ vana vem ya-o.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Condii lisai 43:5

Kɔl nuu, le yɛɛ nɛ n co yɛ fulaa? Le kɔlɔ yɛɛ n co yɛ ŋɔɔcianndo ya nin? Tiindan Hala, kani i sangalanin ndu vɛlɛ le cinda nuu.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Nsaŋ 13:19

I co niaa ndi pɔɔ dimul lɔ́ɔ́ pá mì dɛnɛ kon hun tosan, o kon o hun tosan pɛ, la laalan maa Ya co I co ni.

Efɛsea 1:15

Lelan, kabi ya tuei laalan niaa laalan Maalii Yeesu-o a kaola niaa kaola vanaa diandaa kpow-vo tɔ́ɔ́,

Nsaŋ 12:27

«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

2Tesalonikea 2:2

la malnùn mì la keleŋa luɛyɔɔ o lapɔw nin te, yɔŋii vana pum luei niaa siòònde, mò dimul niaa siɔdii lacio, te kon te diomnden, te kon te mà sɛval niaa sɛbɔɔ maa naa o ba o fula ni, maa paale Maalii len le tiiya.

2Korɛntea 2:7

Lelan, sunsun, o bɛnda mì la mal ndu haki, mì la luei ndu yoomuan yɔŋii vana kon tambu kɔllo háá mò ŋɔɔcan.

Nsaŋ 11:33

Yeesu cɔu ndu caŋndo nda Yuifia va ndu kɔɔli-a, mí dɛnɛ kon pilan ndu kɔllo, mí kɔllo laasian ndu nin,

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Yeremi 8:18

I yeema mi faŋan mɔnɛi nii o hɔl, kɔl nuu co o mɔnɛi bɛnduei nin.

Nsaŋ 16:3

A tosanin ken le tùú nda kɛɛ ya a Pua sinaa-o.

Condii lisai 77:10

Vɛ̀ɛ̀ pɔɛɛnɔnndo Hala pɔɛɛnun le naa ɲííye tuinɔnndo nuaa ni? Vɛ̀ɛ̀ kɔl ndɔɔ o kindal naa a kɔltuwvo nuaa ni?›

Nsaŋ 16:6

Kɛ le mɛɛ ya dimul niaa lende yɛ kɔlta niaalan la co o sangaa nin ni.

Nsaŋ 16:24

Haa hau, la piɛi-yɔ ɲɛ-ɲɛ o diola nilan te. La piɛi mì la sɔla, haliko mi ɲaale niaa peelun.»