Nsaŋ 13:8 - BII BILA

⁸ Mí Piɛr dimul ndu aa: «Kɛì-kɛì bɛɛ, a bɛnda ma pulu ya pelon lɔ́ɔ́-lɔ́ɔ̀ le!» Mí Yeesu mulul ndu aa: «Te i pulu nɔm pelon te, mɛɛ a co o ni le.»

Nsaŋ 13:8 Referans Kwoze

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

Dɛnnda kiilaa 22:16

Yɛɛ nɛ n co yɛ nihau cum? Cɔn ma sɔla yinɔɔ, mà dendu le hakila nɔmndan, mà biilu Hala o diola Maalii lan.»

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Kolɔsea 2:23

I co toɲa maa pɛɛkula lan la velan a kɔlkaloo, le tùú la co kaannde vana pila tuunun o kɔl le tosaa len-ndo, tuisin tootoo a dialun naan saangiaa, kɛ nduyɛ, o co sɔɔn vana bɛnda le lebɛɛ ke le n co le, le yeemɛi ivanacieeyɛi tosaa daama n co ni.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Matie 26:33

Mí Piɛr cua sɔɛi, mó dimul Yeesu aa: «Vanaa tɔ̀a kpede kɛɛ bɛɛ nɔm, ya, i kɛɛnin nɔm te few.»

Matie 21:29

Mí po kon mulul ndu aa: ‹I co lakɔ le.› Kɛ o kon kɔɔli, mó mangala yiyanndo, mó kɔa.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Esai 4:4

Maalii co hoeyii dɛnɛ sandɛi a hoeyii dindiannde hɔŋ, mò tɔɔ vanlaandua Siɔn le ɲɛm nɔɔlɛin co nda tɛɛn-ndon, mò dindi Yerusalɛmnda le kooma vanaa nda diw-va.

Matie 26:35

Mí Piɛr mulul ndu aa: «Hali i sɔla bɛɛ piɔ́mndo, i viinunnin sɔɛi nɔmnde le.» O kon mí kaandennda kpow dimi ɲɛ pilɛ kon.

Matie 16:22

Mí Piɛr veelu ndu landɔ, mó kɔ dimul ndu aa: «A foofen! Màá Hala cɛl mì dɛnɛ vaa lende yɔŋnun nɔm te, Maalii!»

O Kandɔɔ 42:38

Mí Yakɔb muli aa: «I kɛɛ, i co niaa po nuu yɔngu mì la kɔɛ a ndu le. Kani bɛ ndɔ vi, ndu pilɛ kpé lo ya nin o ba ni. Te i yɔngu niaa ndu pɛ mì ɲɛ kei ndu yɔŋnɔn nɛi-tɛɛn, mɛɛ ya co nin o yuuvɛiyo nuaa yɛ, la yɛɛ ya ciee-piɔ́m o mɔnɛi nin.»

Nsaŋ 13:6

Mɛɛ o tiiyaa o Simɔn Piɛr lo, mí ndu dimul ndu aa: «Nɔm Maalii, mà pulu ya pelon?»

Tɔŋ miingua 12:12

La vanin a kɔlkɛndɔɔ Mɛlɛka Hala niaa o hɔl: niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda. Kani leviaa kan nda nɔ ɲɛ a kɛ́ lelɛŋ maa niaa le.

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

1Masaa 12:16

Mɛɛ Israɛlla kpow a ce maa masaa ve nda lani yaŋɔɔ le, má mulul ndu aa: «Yɛɛ co yɛ naa tɛɛn naa David-aa? N nɔ kɛ́ latulu naa po Yisai-yo-aa le! Sei! Naa Israɛlla, n muungun o la naa lo cɛinin. Nɔm po David-o ho, a ce cɛi nɔmndo, koma tosa mɛɛ n yeema yɛ.» O kon, mí Israɛlla muungun o la nda lo.

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

Condii lisai 51:7

O hakio nin ya velun ni, o yɔŋ vɔɔndo nin kala nuu cua foli nuu ni.

Nsaŋ 13:9

Mí Simɔn Piɛr dimul ndu aa: «Maalii, mɛɛ o mɛɛlu ko pelon kínɛí le, kɛ pulu ya balan a bollen!»